Priäžan lyydilaižed sananpolved

[mp]

Priäžan lyydilaižed sananpolved
Periodika 2012, 110 s.

Petroskois kniigua voi ostua Periodikas, Titovan uuličču 3. Suomes puolelekymmendy boikoimbale KKS:n laukas.
Ezimerkit

Se vie ei ole tiedäjy, ken äijän käveli, se on tiedäjy, ken äijän nägi

Terväh kaži poigat suau, ga sogied roitaheze

Hebo hukan ker borčuičči: däi händy da podkovu

Mittuine pappi da moine i prihodu

[mp]

Täs liziä sananpolviloi, kudamat duumaičen ottua opastajat.netan luvetteloh. Vähä on ennekuulematoindu, ga voihai hos ozuttua kielen däh. Ezimerkikse, voi kiinittiä huomivuo lyydin astevaihteluh da vokalisobuh.

Kus linduine istuu, sih i höyhenyt kirbuou

Omal mual tulduu kai kivet kumardeltaheze

Prijuatel'an kel erottuu seiččei vuottu igävöičet, a oman muan kel erottuu - lopun igän itket

Yksinäh et hätkie vojuiče

D'algan luadijua on äijy, kengiä kaikin ei ombelta

D'oga jauhos talkunua ei rodei

Hill'ah matkuaju regi mägen piäle piäzöu

Hyvä mieli ruadon ruatuttau, paha kaksi kaimuau

Kirvehez on enämbi lämmiä mi ku turkiz

Lapsennu opastettu, ku kiveh kird'utettu

Se vie ei ole tiedäjy, ken äijän käveli, se on tiedäjy, ken äijän nägi

Ku aivin čakatah, siid heitäd i varondan

Hyviä kiittäu d'ogahine, a mielevy ei rubie ni pahua moittimah

Mi on piäl, sidä kačotah, a midä on piäs, sille hindu azutah

Mielevy vuottau hyvytty omiz dielolois, a mieletöi ozaz

Mieron mieldy myö ei sua eliä

Pahan piän kel eläjez d'algad on aivin hoduz

Tyhjy tähky tunduu peldol: ylembi toizii čočottau

Kuoltuu kaikin kohetah

Čomuz on hyvä svuad'ban aigah, a nero eläjez

Hukan täh meččäh menen

Löydäy počči ligua

Kiäppy kuuzes päi ei loitokse kirbuo

Kouz lähted naimah, silmäd void dättiä kodih, a korvad ota keral

Mučoi valliče nedälipäiväl

Hebo hukan ker borčuičči: däi händy da podkovu

Mittuine pappi da moine i prihodu

Vägevy on kondij mečäs, ga hänen tall'al muatah

Bohattu ei magua, aivin vargahii varuau

Ku köuhy leibiä ei ruadas, ga bohatal pidäz dengua syödä

Maguajal kažil hiiri suuh ei tule

Terväh kaži poigad suau, ga sogied roitaheze

Mittuine tavar, moine hindugi

Midä syöd da sidä pardalgi valuu

Eläu ku kuldua viessuau

Kel selgy kubizou, se kylyugi eččiu

Se on nagraju, ken dälgimäizeksi nagrau

Siädy kiitö päivän laskettuu, a poigua pardan kazvahuu

Kaikis huigein on andettu sana därilleh ottua

Kenen merdu soudat, sen i sluavua pajata

Puuškas čiučoin ambud, ga toko luuloi tukkuh et keriä

Suudiu pada kattilua, a bokat yhtenmoizet

D'oga vill'u omal aigal sualistuu

Vaikastui ku kala kurnikaz

[Pedrunnybly]

Ylen hyvä oli tämä: Ku aivin čakatah, siid heitäd i varondan

[Gagarin]

Ongo tua lyydin kieldä?
Karjalkshai neče on kirjutettu, ellennän put'illeh.

[Pedrunnybly]

Muga, lyydikse on. Ellendettävy sežo livvin pagizijale. Karjalua mollembat! Tänäpäi tädä puaksuh ruavos duumaičin: Mielevy vuottau hyvytty omiz dielolois, a mieletöi ozaz

[mp]

Lyydikse pagizii aloveh on pitky da kaidu da pohjazes agjas paistu lyydi on aiga erilastu migu Kuujärvel paistu, Priäžy (da Pyhärvi) ollah keskes. Yhtelläh pagin (libo Kuujärvi-pajo opastajat.net:an pajopučis) ei ole liygiläzele libo varzinkarjalazele ylen vaigei ellendiä, ken vai tahtou ellendiä. Erähät kielitiedoilijat da čuppupatriotat tahtotah luokitella karjalan vijjeksegi eri kielekse, midä vallanpidäi kaččou muheloittajen, "pilkouvu da hävie".