Zinaida Dubinina: Kirjutukset

karjalankielizii kniigoi, lehtii, cdromoi, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Zinaida Dubinina: Kirjutukset

Viesti Kirjuttai mp »

Tänäpäi kirjupainamospäi on piässyh välläle
Zinaida Dubinina
Kirjutukset
KKS, 286 s.
Kuva

Algusanat

Täh kirjah on kerätty Zinaida Dubininan kirjutuksii kahten vuozikymmenen aijal, mustelendua ennevoinallizis aijois nygyaigassah. Voinanaigaine lapsus, vuvvet evakos, muutokset voinan jälgeh, jälgivuozien kiänälmykset, kai net ollah mieldykiinnittäjät. Enimät kirjutukset jo ollah piästy ilmah Oma Mua -lehtes libo kirjois, ga on enne julguamattomiigi kirjutuksii. Kirju sellittäy paiči yhten ristikanzan - Zinaida Dubininan, da yhten kylän - Kotkadjärven, yhten kanzangi - karjalazien ozan jälgimäzien seiččemen vuozikymmenen aigua.

Kirjan piähengilö on karjalan kieli da piäteemu karjalan kielen kova oza. Niken ei Zinaida Dubininua parembi ezitä kiistämätöindy argumentua karjalan kielen puoles: ``Olemmo karjalazet, meijän kieli on karjalan kieli''. Libo: ``Myö karjalazet emmo ole pahembat muidu''. Tämä kirju on karjalan kielen puolistajan kazvandukerdomus. Mugai kirjutukset kehitytäh: anna kirjutus algau kuitahto, loppuu kohti se piädyy karjalan kielen ozah, oman kielen puolistamizeh.

Kirjutukset on kirjutettu eri aigah eri tilandehis eri lugijoile. Samat azietgi toiči toistutah. Tiettäväine, kirjuttamal da toimittamal moneh kerdah olis roinnuh siliembi kaunehkirjalline tuoteh. Ga sih ei olluh mahtuo, da silendämäl da hivomal tekstu toinah menetännys tovestusväin. Jiägäh se karhiekse, kui se aiganah lähti kirjuttajan käzis.
Syväindö

Koodu: Valliče kai

Minun elaigu:
Minun elaigu
L'ol'anke ad'vois Tepoiniemes
Teittäh ei olis meidy
Pajattai brihaččuine
Vahnin sizär
Solovei-linduine

Karjalaine hieru:
Horošois Šuuran muamalluo
Brihaččuine da Stalin
Meijän škola
Kirjaine Karagandaspäi
Eliä on hyvä
Koiran tuskat
Uut'arven Dubininat
Mi vedäy sinuu surmah, minun hieru?
Mittuine on lumi?
Häviejäs hierus
Yöksyksis
Sanomattah jiännyöt sanat poltetah
Myös karjalan kieleh näh{\ldots
Ristu mečäs
Dorogu ainos kuččuu
Ristikanzu da koiru
Ottai järvi
Vie karjalan kieles
Hierun linnut

Karjalan kieli da kul'tuuru:
Matku Suomeh jäi mieleh
Karjalan kul'tuuru on sen arvoine{\ldots
Tozi Karjal on hierus
Ei pienytty pellole lykätä
Suaugo miero toizen Kalevalan
Kieli pädöy, gu myö päinemmö
Vie kerdaine karjalazis da karjalan kieles
Mielet karjalazien III kerähmös
Myöhäzet kukat
Kui suaja rahvastu pagizemah omas kieles
Tahtommo pidiä hengis oman kielen
Minny meidy pietäh?
Kui minä ajoin Karjalan Rahvahan Liiton kerähmöh
Pidäy harjavuo puolistamah iččie
Keh niškoi?
Jälles KRL:n kerähmyö
Pajo vedäy, pajo kuččuu
Eihän pediän siemenes kazva kuuzi
Mielet kerähmön iel
Sana pajos
Karjalan kieli Anukses
Karjalan kieles suvaijen

Biblii karjalakse:
Mis algoi kirjutandu
Sanoi eččimäs
Biblienkiännändyinstituuttu täytti 30 vuottu
Kaksi päiviä Mordvan muas
Vahnu Valamoi
Hieruloi myö ei ylen pitky matku

Kalevala:
Kalevala on joga karjalazen sydämes
Kalevala - meijän yhtehine uarreh
Gu tiähtet sytytetäh - vikse se kelletahto pidäy
Anuksen rannan karjalazien vahnat runot da pajot

Lapsile:
Hukkien hieru
Suarnu Kotkadjärves
Kui Vas'ka oli tigrannu
Nelländele
Mečän rahvas
Sviižoin guarbalot
Lapset päčil
Tuulen kuldaine oksaine
Kel on hierus atkal?
Reboi da hukku
Mečän ižändy
Lämmin mua
Tata, ota meččäh
Lumitiähtyt
Sinine peldoine
Gostis kezällyö
Ižändäzet-emändäzet
Opastai hierus
Kniigua suau, kui enne sanottih, "hyvin varustettulois kniigulaukois kogo muas", ga net kai ollah vie minul sinčos. Ga erähän nedälin peräs rubieu KKS:späi löydymäh.

Käyttäjän avatar
mp
Viestit: 2108
Liittyi: 05 08 2008, 19:45

Re: Zinaida Dubinina: Kirjutukset

Viesti Kirjuttai mp »

Karjalan Kielen Seuraspäi kniigua rubieu suamah tuliel nedälil 15 euron hindah.

Olói

Re: Zinaida Dubinina: Kirjutukset

Viesti Kirjuttai Olói »

Sain jo lugie Zinaida Dubininan tämän kniigan. Suuri ruado on ruattu –kai Zinaida Dubininan kirjutukset ollah yhtes kniigas. Tämän kniigan voizi sanuo karjalazien ičetunnon kniigakse.
Zinaida on karjalaine, kudai kunnivoiččou toizii kielii da kul´tuuroi, da pidäy omuagi kieldy da rahvastu korgiel, toizien kel yhtenmoizinnu. A ku oma kieli on toizien jyttyöh, sit sil pidäy sežo olla opastustu, kniigoi imi. Zinaida uskou omah kieleh: karjalan kieli pädöy, päimmögö myö?
Karjalan kielel ei ole äijy kniigoi. Suurin vuitti niilöis pidäy kielen elävänny, avuttau karjalazii kehittämäh omua kieldy. Tämägi Zinaidan kniigu kehittäy meijän karjalan kieldy, da se ei ole sen piätarkoitus. Tämä kniigu, ku lugenet, panou sinuu ajattlemah karjalan kielen tuliedu aigua, sinun omii mahtoloi. Midä sinä voit ruaduo? Ellendätgo midä olet kaimuamas? Midäbo jätät omile lapsile?
Kebjei oli lugie tädä kniigua, yhtenmoizet ajatukset ollah minulgi. Uskon – muga ajatellah toizetgi karjalazet, libo ruvetah ajattelemah vie tulies ajas, sendäh ku täs kniigas on karjalazien oma iäni.

Käyttäjän avatar
mp
Viestit: 2108
Liittyi: 05 08 2008, 19:45

Re: Zinaida Dubinina: Kirjutukset

Viesti Kirjuttai mp »

Muga, "karjalazien ičentunnon kniigu" hyvin kuvua kniigua. Häi prizmiy oigevuonmugazuttu olemattah šovinistu. Häi ei sano, ku Karjal, karjalazet da karjalan kieli oldas toizii parembat, ga ollah karjalazile omat. Tiettäväine sil tabua ollahgi karjalazile parembat, yhtenjyttyöh gu toizenmualazele toizet muat da toizet kielet ollah parembat. Kerdu kerran jälgeh häi paheksuu tulolazii, kuduat ruvetah herroikse, čällätäh muat da kielletäh karjalazil oigevus omah kieleh. Himoittas nähtä putinoin, medvedjevoin, niinistölöin da katajazien jyttyöt brihačut Zinaidan kluasal opastumas ristikanzanoigevuksii da toizien rahvahien kunnivoičustu.

Käyttäjän avatar
mp
Viestit: 2108
Liittyi: 05 08 2008, 19:45

Re: Zinaida Dubinina: Kirjutukset

Viesti Kirjuttai mp »

Minul on vie tukku tädä kirjua. Sidä suau minul ostua työndämäl yksitysty viestii libo kaččomal ozuteh tiijostos ozuteh.jpg, kudai on samas paikas kui kniigan kuva, t.s. opastajat.net/tmp/. Maksua voi karjalankielenkodi.net sivustol ilmoitetule bankutilile t.s. dengat mennäh KKK:n hyväkse.

Käyttäjän avatar
mp
Viestit: 2108
Liittyi: 05 08 2008, 19:45

Re: Zinaida Dubinina: Kirjutukset

Viesti Kirjuttai mp »

"Kirjutukset" on loppuhmyödy KKS:s da minulgi on vaiku vajuat kymmene palua, niilöigi jo on kyzeldy. Ga jo tilain liziä da nedälin kahten peräs niilöi tuaste voi ostua KKS:sgi. Minulpäi ostettulois kai hindu 15e menöy KKK:n rakendamizeh.

Käyttäjän avatar
mp
Viestit: 2108
Liittyi: 05 08 2008, 19:45

Re: Zinaida Dubinina: Kirjutukset

Viesti Kirjuttai mp »

Sain egläi kirjupainamospäi toizen painoksen, sada palua "Kirjutuksii". Puolet mennäh KKS:n laukkah. Toine puoli jiäy minule. Nämien hinnan kogonah annan KKK:n hyväkse.

BUTTON_POST_REPLY