Kielikyly Jovensuus 30.10-1.11.2009

[mp]

Karjalan Kielen Seuran Maltokeskus "Vibune" järjestäy 30.10-1.11.2009 Jovensuus kielikylyn, kudaman teemu on pravoslavnoi usko arres da pruazniekas. Kylyn "löylyttäi" on Natalja Antonova "Nuori Karjala" järjestöspäi Petroskoispäi.

Ohjelmu.
piätenččy 30.10.

• 13-17 Pravoslavnoi usko arres da pruazniekas
• 18 vigilii

suovattu 31.10.

• 10 liturgii
• 12-18 karjalaine syömiskul'tuuru

pyhäpäivy 1.11.

• 10-16 ruado karjalazien rahvahallizis järjestölöis

Kielikylyn hindu 60e (KKS:n jäzenile 50e) sižäldäy opastuksen, kursimaterjualan
da yhten syömizen. Kursile otetah 15 enzimästy registriiruinnuttu.
Ližätieduo: Timo Munne, +358 44 3049293.

[Pekoi]

Tänäpäi kävyin kaččomas:kyly on lämmä da kylbijät tävves hies!
Toven sanuo,hyvät da aktiivizet rahvas ollah da Natoi ylen ihaškoittavu opastai!
Moizii kylylöi,kerähmöi,kerholoi da školii vai äijembi pidäy!
Rubiemmo ruadoh!

[Pedrunnybly]

Tiijätgö, Pekoi, konzubo piäzemmö uuvessah kylyh? Nygöi en Jovensuus olluh, a ylen himoittau kielikylyh käyvä.

[Manutar]

Minä kolmennu päivänny kylys olin. Ylen hyvät löylyizet oldih. Meidy läs 10 riztikanzua oli.
Ylen vesselä oli yhtes paista, murginua luadie, pajattuo... Kirikösgi karjalakse malittuu pantih. Pyhäpiän vie karjalazii pajoloi arvostelimmo ,”cökkehii” annoimmo.
Kylyn vedäi, Natalia Antonova, ylen comasti meidy opasti.
Timo Munne, Karjalan kielen seurun ruavonjohtai, lubai hommata kylylöi joga toine kuu!
Se ylen hyvä dielo on.