opastajat.net/forum

"Verdailii karjalan kielioppi" projektan kodisivul on ruavonalaine iänikartu, kudamal voi kuunnella eri paikkoin murdehii. Loukot tävvendytäh vähitellen konzu arhiivois löydyy pättävii näyttehii. Suurin loukko on Ven'an Keski-Karjalas. Vois duumaija vie oigiehkirjutustugi, kui lugiettavua/tarkua sen pidäs olla.

Iänikartal nygöi on 36 näytehty da se kudakui rubieu kattamah karjalan murrehalovehii. Suurimat loukot ollah valdai, kudamas ei ole näyttehii, da anuksen čura, kudamalpäi on vaiku kaksi näytehty, hos se ongi livvin ydinalovehii. Toinah vie löydyy. Suurin vuitti näyttehis on suadu Petroskoin tiedoakademien da
Kotusan arhiivois, passibot Irina Novakale da Aleksi Ruuskazele ečindäs. Kudamidä kohendettavua iänenluavus da oigiehkirjutukses vie olis, a vahnimat näyttehet ollah nenga kuvven vuozikymmen tagua, eigo HiFi luaduu niilöis voi kolduija - ga paginua voi ellendiä.

Kartal on iäninäyttehet 45 paikas. Jogahizen paikan sivun on, paiči iäni, rubriekkutiijot da tekstan transkriptii, linki koordinuatoinke, kudai viey täh paikkah Googlen kartal.Iänet ollah enimyölleh Karjalan tiedoakadeemien arhiivas da Kotusan arhiivaspäi, passibo eččijöile. Duumaičen ku net nygöi jo aiga hyvin peitetäh karjalan murdehii, ga kudamidä piendy vie voi tulla.

Ližäin murrehatlasah kaksi vienalastu paikkua, Kuorilakšan da Paanajärven. Passibo Irinale. Iäninäyttehet läs viijenkymmenen vuvven tagua ei olla HiFi luaduu, ga hyvä ku on hos nengomua.