opastajat.net tiedoturvas da materjualois

kielipezät, školat, kursit, ičeopastundu, opastundumaterjualat

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

opastajat.net tiedoturvas da materjualois

Viesti Kirjuttai mp »

Erähät käyttäjät onnuako on suadu tiedoturvuvaraituksii opastajat.net:an käytös. En tarkah tiijä min periä, ebäilen ongo syydy. No tiedotehniekan muailmas kai terväh happanou da loukot paikatah mutkikkahembil paloil ohjelmua da terväh niken ei ellendä, kui se kogo ohjelmu toimiu. Yleine nevvo on ku ainos pidäs kai päivittiä uuzimah versieh. Täs olen olluh lašku. Otin iäre vahnat phpBB da Java versiet.

Forumuohjelmu phpBB on nygöi uuzimas versies. Jälgimäine päivitys oli suuri da uuzimas versies endizet abumoduulat (ezim. erilazet statistiekkumoduulat) ei toimita. Uudeh versieh löydyi käyttäilugu moduulu (nägyy edusivul), kudai čotaiččou niilöi verko-ozuttehii, kudamispäi on tuldu lugemah opastajii. Se onnuako on tovellizembi tiedo migu endine lugu kudai čotaičči kaikkii sivuloil käyndöi da robottuhäi kergiey käymäh hos nimidä ei ellendä.

Java on olluh vačanhapatus. Riputandupaččahan da verkokieliopin todevutandan aijois Javan ajonaigaine sistiemu on kazvanuh kui hiiri elefantakse. Midä suurembakse, sidä puaksumbah tuli ilmoituksii loukkolois. Uvvet versiet kyzytäh jo sertifikuattupalveluu, kudamua ilmai ohjelmu ei toimi ni omal konehel ilmai verkoyhtevytty. Sidä jo en rubie ostamah, otin Javan iäre opastajat.netaspäi. Vahnoi versielöi tiettäväine voi turvallizesti käyttiä verkos irallah ezim.Tiedotehniekku-cdromalpäi.

Opastajat.net:an materjualoi meinuan iellehgi ylläpidiä da tävvendiä. Verkokielioppi pidäy syväindön puolesgi tarkastua. Onnuako lähikuuloin aigua panen interaktiivizen verkokieliopin ruadamah Javascriptan vuoh. Jälgehpäi voi tyydyväzenny sanuo ku oli hyvä allus algajen pidiä syväindö da toimindu erilläh. Sama pädöy riputandupaččahah, kudaman syväindyö voi kaččuo kuvasanakirjas opastajat.net sivuloil libo "Pienes kuvasanakniigazes". Riputandupačaskizagi pidäy uvvessah panna verkosivuloile, toinah Python ohjelmannu. Annan erillizes viestis hyvin yksinkerdazen riputandupaččahan elättilöin tunnustamizes. Sidä voi käyttiä omal tiedokonehel, ku vai Python ohjelmoindukieli ollou azendettu.

Uuttugi materjualua opastajat.net pidäy kehittiä, hil'l'akkazeh.

BUTTON_POST_REPLY