karjalan kielen opastundu kerholois 2015-2016?

kielipezät, školat, kursit, ičeopastundu, opastundumaterjualat

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

karjalan kielen opastundu kerholois 2015-2016?

Viesti Kirjuttai mp »

Jo enämbi kuuttu vuottu olen kyzellyh, kus voi opastuo karjalan kieldy? Suomes mostu opastundukerhuo on olluh toinah nenga 20 paikkukunnal. En malta sanuo, ongo lizenemäs vai vähenemäs. Ku kehtannetto työndiä tieduo, voizin iellehgi kerätä nengomua luvetteluo. Mieldykiinnittäjiä olis suaha tiediä ruadotavoisgi, min verran da mittustu opastujua kursat kerätäh da kui ruatah, muuttuugo joukko vai tullahgo ainos samat? Ongo algukursua da jatkokursua? Ongo urokku besodua kudamas karjalan kieligi välil unohtuu vai opastutahgo higi hatus karjalan kielioppii? Ven'an puolelhäi karjalan kieldy opastutah erähis školisgi. Kui se sie menöy? Ga on kerhuogi. Jälgivuozinnu on Petroskois olluh opastujua tungokseh suate da algukursan rinnal on jatkokursugi. Statistiekoin mugah Petroskois eläy nenga kymmene tuhattu karjalastu, läs saman verran kui Anuksen piiris.On kerhuo toizilgi paikkukunnil, ga sit minule ei ole tarkembua tieduo, kuibo se tiediä?
---
Nämis tiijän:
  • Helsinki Mellunmäki, prihodan ruadokeskus: KKS:n kielikerho, tossuarren 13 čuasul, vedäi Pertti Lampi
  • Joensuu Joensuun seudun kansalaisopisto, nellänpiän 16:30-18, Sanna-Riikka Knuuttila
  • Kuopio, kolmanpiän 18-19:30, Kari Koslonen
  • Lapinlahti Kaskikuusen kansalaisopisto, tossuarren 18-19:30, Risto Salmela
  • Leppävirta, tossuarren 17:30-19, Maria Kähäri
  • Nurmes, tossuarren 17:30-19, Paavo Harakka da Mauri Mahlavuori
  • Petroskoi, ezmässarren, livvin kursu, Anastasija Afanasjeva
  • Petroskoi, enšiarkena, vienan kursi, Jevgeni Karakin
  • Pielavesi, piätenčän 18-19:30, Kari Koslonen
  • Pyhäsalmi Jokilatvan opisto, nellänpiän 17:30-19, Irina Karvonen
  • Siilinjärvi, nellänpiän 17:30-19, Kari Koslonen
  • Tampere Karjala-seura, 24.10., 7.11., 21.11. 12-16, Sanna-Riikka Knuuttila
  • Varkaus Soisalo-opisto, kolmanpiän 18:30-20, Maria Kähäri
  • Varkaus Lapsien kerho kolmanpiän 14:00-, Maria Kähäri
  • Vieljärvi Karjalan kielen kodi, karjalan kieldy lapsile, ezmäsarren 15:00, Nina Barmina
  • Vieljärvi Karjalan kielen kodi, karjalan kieldy algajile, tossuarren 16:00, Nina Barmina
  • Vieljärvi Karjalan kielen kodi, karjalan kieldy pagizijoile, kolmanpiän 16:00, Nina Barmina
Jälgimäi muutti 6 päivänny mp, muutettu kaikkiedah 26 kerdua

Maria

Re: karjalan kielen opastundu kerholois 2015-2016?

Viesti Kirjuttai Maria »

Leppävirta, toinargi 17.30-19 da Varkaus, kolmaspäivy 18.30-20, Soisalo-opistos
Lapsien kerho Varkaukses kolmanpiän 14 čuasul

Meil nämmis joukkolois ei ole rahvastu muga äijy, ku vois duumaija eriže algu- da jatkokursoi. Sit vai pidäy oppie duumaija muga, ku olis midätah mieldykiinittäjiä da hyövyllisty sego vastealgajile sego erähii vuozii opastunnuzile. Kaikenmostu puutuu olla urokoil, kielioppii da muudu, välil kižuanduagi. Sit nygöi on puutunuh joga sygyzy da kevät pidiä yksi kerdu nengozennu, ku olemmo keitändykluasas joukol pastanuh kaikenmoizii syömizii.

Käyttäjän avatar
mp
Viestit: 2108
Liittyi: 05 08 2008, 19:45

Re: karjalan kielen opastundu kerholois 2015-2016?

Viesti Kirjuttai mp »

tiedäygo ken karjalan kielen kursua, kudaman vois vie lizätä luvetteloh?

Pekoi
Viestit: 356
Liittyi: 18 09 2008, 20:54

Re: karjalan kielen opastundu kerholois 2015-2016?

Viesti Kirjuttai Pekoi »

Jovensuus kielikerähmö on vähäizen muutunnuh,nygöi enämbi pajoloi pajatetah da kolmen inehmizen gruppu vedäy.Kolmanpiän 16.12. 16.30 cuasul kerävytäh OK- opintokeskukseh.
Lizäkse varzinkarjalan suvimurdehih niskoi kerävytäh Ort.seurakundazualan tagaperttih tossarrennu 08.12. 16.00 cuasul.

BUTTON_POST_REPLY