espeak paginsintetizuattoru

kielipezät, školat, kursit, ičeopastundu, opastundumaterjualat

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

espeak paginsintetizuattoru

Viesti Kirjuttai mp »

Puutui kižata espeak -nimizen ohjelmanke, http://espeak.sourceforge.net/. Se on ilmaine paginsintetizuattoru, kudaman iäni on sintiettine. Parembat da hinnakkahat paginsintetizuattorat onnuako käytetäh avunnu ristikanzan iändy, kudai on pilkottu palazikse. Pakietas on valmehennu nenga 50 kieldy, nämien joukos suomi ga tiettäväine ei karjalua. Minuu yllätti ku suomen parametroilgi konehen luvendu oli kudakui ellendettäviä ga tiettäväine sanataidoilijan paginua se ei olluh. Pakietas on ohjehet kui ližätä kielii, ozutahes ei ylen vaigiekse hommakse, a tiettäväine päivy da toinegi sih menis. Minun mieles se on hyväl pohjal - pagin kiännetäh foneettizeh kirjaimikkoh da painotustu da piduhuksii voi siädiä.
Jälgimäi muutti 1 päivänny mp, muutettu kaikkiedah 10 kerdua

Sinilind

Re: espeak paginsitetizuattoru

Viesti Kirjuttai Sinilind »

Midä kaikkie tarkah voibi ruadua moizen paginsintetizuattoran vuoh? Haukkazen Teppanale tiettäväine andau iänen, a midä muudu. Toinah se voibi lugie iäneh tekstua heile, ket iče ei malteta kirjah?

Käyttäjän avatar
mp
Viestit: 2108
Liittyi: 05 08 2008, 19:45

Re: espeak paginsitetizuattoru

Viesti Kirjuttai mp »

Nengozennugi se voi avvuttua heidy, kel on huono nägö, libo ket ei malteta lugie. Lugou latinalastu kirjaimikkuo, en ole proubuinnuh, maltasgo lugie kirillizel kirjaimikol kirjutettuu karjalua. Luvendan opastumizehgi vois pädie. Pidäs löydiä "joudavu aigu" proubuičendah.

BUTTON_POST_REPLY