OM-testu

kielipezät, školat, kursit, ičeopastundu, opastundumaterjualat

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Re: OM-testu

Viesti Kirjuttai mp »

Kyzyin tädä dieluo Natalja Gilojeval. Häi ebäili, annetahgo kursan organizuiččijat pidiä mostu testua, ga väliaigoih moine kontrol'u vikse ei ylety. Iče häi uskaldi pidiä testoi omile opastujile. Päivitin vähäzen testiiruiččijan ohjehii. Iče luajin kunnivokirjazii tarbehen mugah. Kahtes on valmehennu Nina Barminan allekirjutus. Palkindoloih nähte on tärgei kyzyö testas läbipiässytty täyttämäh testiiruiččijan ohjehien loppuh kirjutettu ankiettu.

Käyttäjän avatar
mp
Viestit: 2108
Liittyi: 05 08 2008, 19:45

Re: OM-testu

Viesti Kirjuttai mp »

Ken on pädevy pidämäh OM-testua da tahtou nengomua pidiä, voi minulpäi suaha KKK:s allekirjutettuu kunnivokirjastu. Minul sežo on kaksi bumuagulehtipakiettua da erähii "In'azii" palkindokse. Ohjehiihäi voi kaččuo http://karjalankielenkodi.net/toimindu/ ozuttehes - ohjehien lopus on ankiettu adressitiedoloin kyzelendäh.

Käyttäjän avatar
mp
Viestit: 2108
Liittyi: 05 08 2008, 19:45

Re: OM-testu

Viesti Kirjuttai mp »

Kuva Kuva
Oma Mua -testan tavoiteh on mustoittua kirjahmalton tärgevytty da kuhkuttua ravastu lugemah karjalakse. Kampuaniedu vietäh Karjalan Kielen Koin hantuzis. KKK meinuagi pidiä omas ymbäristös luvendumalton kursoi da testoi. Periodika julguamo on kampuanien sponsorannu da andau kampuaniele lehti- da kirjupalkindoloi. Karjalan Kielen Seuragi on andanuh kirjupalkindoloi. Iče olen pidänyh tavoittehennu, ku hos 50 Suomen karjalastu da 100 Ven'an karjalastu käydäs testas tänä vuon. Tiettäväine sada kerdua suuremmat luvut oldas čomembat.

Karjalan kielen kursoi pietäh Suomes ruavahienopistolois toinah nenga kahtelkymmenel paikkukunnal. Nämil kursoil ei tavan mugah pietä egzuamenoi, a nygöi OM-testu hyvin pädis egzuamenakse. Ohjehet testan pidämizeh lövvytäh ozuttehes http://karjalankielenkodi.net/toimindu/ ... iccii.html (Lähiaijal toinah suammo ohjehet vienan murdehelgi.)

Käyttäjän avatar
mp
Viestit: 2108
Liittyi: 05 08 2008, 19:45

Re: OM-testu

Viesti Kirjuttai mp »

Olen iče pidänyh tädä testua Kuopios, Veškelykses, Siilinjärvel da Pielaveil. Kaikkiedah olen andanuh 26 kunnivokirjastu. Konzu kävyin Oman Muan piätoimittajan da paginal pakiččemas kannatustu (ts. ilmazii lehtilöi) kampuaniele, sanoin tavoittehekse vuvvele 2016 löydiä Suomen puolel 50 da Ven'an puolel 100 testas läbipiässytty. Nina Barmina onnuako rubie nygöi keviäl pidämäh luvendukursoi da testoi Vieljärven ymbäristös. Tiijättägo kus vie löydys kirjahmaltajua? Testan ohjehet tiä

Oma kogemus nelläs testukerras on, ku maksau pidiä - moine pikkaraine testu äijän ozuttau kirjahmaltos. Ven'an puolelhäi hyvin pagizijat vältämättäh vouse ei tundieta latinalastu kirjaimikkuo. Ga ei se nägöjäh helpuo ole Suomen puolelgi. Hos i ristikanzu aiga hyvin paissou omas piäspäi, a lugijes kai se muga kui unohtuu. Hos i varaitin, ku "viizua" kyzyjes, älgiä "viččua" kyzykkiä, ga z muuttuu ts:kse. "Priäžän" lugemine läs mahtotoi, eigo "čondžoi" meinua lähtie piäspäi. Noumeroloin lugemine sežo on jiännyh opastumattah. Ga muite lehtitekstua nägöjäh aiga hyvin ellendetäh.

BUTTON_POST_REPLY