Olen diivuinnuh, mindäh Omua Muadu painetah vaiku 500 palua da sidä tilua vaiku 261, kui tagasivul suau lugie. Mindäh karjalazet ei lugieta kirjua kudamua vois vuottua mieldykiinnittäjäkse. Nygöi ellendän yhten syyn - net ket parahite paistah da ellendetäh karjalan kieldy, ei malteta lugie!
Olen Ol'anke ruvennuh kehittelemäh idejua kirjahmaltokampuanies. Enzimäine tazo olis luvendumalto. Suomen karjalazile kirjaimikko on suurel vuitil tuttavu, vaiku c, č, š, z, ž da pehmendettylöis konsonantois öntästelläh, da hos sana kaksi maltetah heittiä, ga pahoi jo ellendetäh karjalan kieldy. Ven'an karjalas školniekat voijah maltua kirjaimikko, opastutahhäi angliedugi, ga vähä ellendetäh da vouse ei paista. Eläkkeheläzet hyvin paistah ga ei malteta latinalazii kirjaimii. Pidäs tarita materjualoi da lyhykkäzii kursoi kirjaimien opastundah - ezimerkikse kirjaimikkokarti da http://opastajat.net/opastus/lugemine/harjoitus.html on luajittu sih niškoi. Kampuanieh liittys testu, kudamas pidäy maltua lugie Oman Muan kirjutus da sellittiä midä se tarkoittau. Testas läbipiässyzile annettas "tovestus" da Oman Muan tiluandu puolekse vuvvekse. Toizen tazon tutkindos pidäs lugie puolikymmendy kniigua da sit maltua sellittiä, mittuzet kniigat net oldih. Palkindoloinnu kirjoi da vie suurembi piäpalkindo. "Tutkindoloi" vois vastahottua KKK:s, ga toinah sih pidäs olla mahto Suomen puolelgi. Muitegi on vie moni sellittämätöindy kyzymysty.
Ongo idejoi moizeh kampuanieh näh?
kirjahmaltokampuanii
Valvoi: verkomuagari
