Karjalan kielen kursat 2012-2013

[mp]

Tule terveh forumale! Voitgo tävvendiä kursutiedoloi, gu voizimmo lizätä čiepin allus olijah kursuluvetteloh. Se luvettelohäi on, paiči tiijokse uuzile opastujile, propagandangi däh - nenga mones paikas opastetah.

[junttileena]

Coma kieli-kursu
Piemmö kursan Kajaanin Kaukamecan opistos. Kursan noumer on 259701, sidä voi kaccuo kursuprogruammu da jiävindy -kohtas
http://www.kaukametsa.fi/fi/kansalaisop ... tautuminen
Opastundupaikan adressu on Koskikatu 4 B.
suovattan da pyhänpiän 9.30-13.00
24.11.2012-25.11.2012 da toizen kerran 16.2.2013-17.2.2013, yhtes 16 cuassuu.
Opastajannu livgiläine Elena Junttila

Tälle ezmäzele kerrale tulou jo 12 opastujua!
Kursale tulles ei pie maltua paista karjalakse, opimmo luadie moizii harjoituksii, kudamii malttamatoigi ellendäy. Net oapstujat, kuduat jo luvetah da paistah ollah opastajan abuniekkoinnu!
Tule terveh!

[Maria]

Listas sanotah Varkaus 12.9.-21.11, 9.1.-10.4. a meil on jälgimäine täl vuvvel 12. talvikuudu da keviäl jälgimäine oligohäi 20. kevätkuudu. Pidi siirdiä erähii päivii tälle vuvvele ku voi olla sulakuul en jo ole kursua vedämäs

[Pedrunnybly]

Helsingis ollah livvin algu- da jatkokursat keviäl, 2. - 3.3. i 6-7.4.. Opastajannu on Natalia Gilojeva. Kacokkua Karjan liiton saitu http://www.karjalanliitto.fi/ -> tapahtumat.

[mp]

Ainos on iloine uudine konzu kentahto ilmoittau karjalan kielen kursas. Nämmä kursat, äijängo kazvatetah karjalakse pagizijoin luguu Suomes?

Kursoi pietäh nenga 20 paikkukunnal. Yhtele kursale tulou toinah nenga kymmene hengie, kaikkiedah kursoil kävyy toinah kaksi sadua. Toinah puolet on uuzii, sendäh nenga sada algau joga vuozi. Sanommo nenga puolet nämis kävväh kursal kaksi vuottu, ihan opastundutarkoituksel, hyvin lugietah kodiruavot da vie lugietah Omua Muadu, muumiloi, kaikkie midä jullatah. Sit toinah kahten vuvven peräs vähäzen jo maltetah paista da ruohtitah kirjuttuagi. Äijängo heis suittuu. Ku hyö eletänneh kaksikymmen vuottu kursan jälgeh, sit, optimistizesti čotaijen ruavahienopistoloin kauti opastunnuzien karjalakse pagizijoin lugu on tuhat. Suomen kieli da ven'an kieli opastutah jo tutti suus, da sit vie viizitostu vuottu školas, himoittau libo ei. Äijätgo opastutah karjalan kieli kois? Ei äijät. Školah pidäs suaha karjalan kieli.

KKS:s sanotah, ku karjalazet vähä ostetah karjalankielisty lugiettavua nygöi. Eihäi äijät vouse osteta kniigua da pieni vuitti vähäs on vie vähembi. Yhtelläh hyvä ku on lugiettavua, se andau mahton kielele siirdyö edehpäi. Vältämätöi hos ei kyllälline ehto. Ičelgi kirjutetun karjalan opastumine perustuu jullattuloin lehtilöin da kniigoin lugemizeh. Tiettäväine kielen maltajien vähys on syy mindäh tännegi on vähä kirjuttajua.

[mp]

Ruavahanopistoloin karjalan kielen kursois on se vaigevus, ku rahvas vuotetah eri dieluo: yhtet tahtottas vagavah opastuo kieldy, toizet tahtotah vaiku tulla besodah, pagizemah toizien ker hos mil kielel. En sano ku yhtet ollah viärät da toizet oigiet, ga hyvä olis ku tuotehsellityksis se sanottas, "glasnost'ua" kui dovariššu Gorbačov sanoi. Toinah nikus ei ole kahtu libo kolmie, karjalan kielen algukursu, jatkokursu da paginkursu. Olisgo realizmua kehittiä mittustutahto "kanzallistu" libo "ylikanzallistu" jatkokursua, nengostuhäi KKK:n pluanoisgi huavaillah? Mittuine se vois olla.

[mp]

Arbailen ku aiga pieni on se joukko karjalazii, kuduat maltettas kirjuttua karjalakse yhten A4-sivun verran, libo istuttas besodua vaiku karjalakse paisten. Hyvä pagintestu olis panna samah pertih Suomen karjalaine, kudai ei pagize ven'akse da Ven'an karjalaine kudai ei pagize Suomekse. Ebäilen, ku ruavahienopistoloin kursat ei nosteta karjalan maltuo tälle tazole - aigua on vähä da tavoitehtazo ei ole muga korgiel. Kuibo sit organizuija jatkokursat? KL:n kezäkursat tavallah ollah täs roulis a niilöin läbi kulgougo hos kymmendy hengie vuvves. Kui sen vois todevuttua KKK:s?

[Olói]

Suomes eläjät karjalazet pahoi maltetah karjalan kieldy, da Karjalas eläjät karjalazet ei musteta omua kieldy. Suuren ruavon pidäy ruaduo enne ku Suomen da Karjalan karjalazet ruvetah pagizemah putilleh. Enne kaikkie pidäy zavodie pidie vastavuksii vaiku karjalan kielel, kudamis perustehennu voizi olla pr. kniigu. Videoyhtevys andau mahton vastavuo. Videovastavukses voi jogahine kniigan lugiettuu kyzyö sanoin merkicykses, libo lugie parahan kohtan. Kieleh ei voi opastuo toizel kielel pagizemal. Videovastavukset pidäy hyvin valmistella

[mp]

Vastevai ehtotin kui kentahto voi azendua linuxan telefonah, yhtelläh ebäilen yhtyygo Veškelyksen libo Pihtiputaan buabo videovastavundoih internetači. Pidäs olla tarvittavat vehkehet, pidäs maltua sellittiä ohjelmuvaigevukset, da pidäs olla suadavannu tarbehekse hyvä Internettuyhtevys da vie maksua se. Tavoittehennu vois olla ku videovastavundu ruadas kahten KKK:n välil, sanommo hos Vieljärven da Jovensuun. Motivoidunnuot opastujat voidas hos kerran kuus kerävyö omah KKK:h videovastavundua pidämäh toizien kodiloin ker da väliaijal opastuo ičekseh libo sähköpoštuagi kirjutella.

[Olói]

ku videoyhtevys on kebjei käyttiä KKK:s, sit buaboitgi ruvetah sidä käyttämäh. Spetsialistale on äijy ruaduo - suaha lopputuoteh ruadamah nenga ku Vieljärven buabogi voizi sidä käyttiä:) Meil on hyvä tilandeh - on spetsialistu da buaboloigi löydyy:)