Karjalan kielen kursat 2012-2013

[Maria]

Ruatahgo kai jo alletut kursit libo ongo mostu, kudamah ei tulluh rahvastu? Äijygo pidäy olla ku ruadau? Leppävirran da Varkauksen kursiloil mollembil on 8-9 hengie, seiččemelgi ruadau.

[riäpöi]

Stokgolmas hyvin ruadau rahvahalline ičeopastundu ryhmys. Kaikenjyttysty karjalastu tekstua kačommo da iäneh luvemmo. 11.9.2012 meidy oli 9 hengie. 6-10 hengie on hyvä kruugas, enämbi olizi škola.
http://www.kirjakauppa.se/tulevat_tapahtumat.htm

[mp]

Lahten Wellamo-opiston karjalan kielen kursan opastai ilmoittau, ku heil kävyy 16 opastujua!

[mp]

Petroskois livvin kursale tuli 30 opastujua da vienan kursale 50 opastujua, on pidänyh perustua moni gruuppua. Ga onhäi Petroskois eläjiägi. Jogahizen petroskoilazenhäi pidäs maltua karjalua, sendäh joga vuottu kursoile pidäs tulla nenga nelli tuhattu uuttu opastujua.

[Ruisräkäččy]

Pyhäjärvel meidy opastujii on yheksä hengie. Nivalaspäi kaksi mužikkua ajetah mašinal da otetah meijät Huabujärven akkažet keral, da mugahäi myö viizi ahkerua opastujua menemmö joga nedäli livvin kielen kursal Pyhäjärveh. Nivalan mužikoil tulou matkua yhteh suundah 65 kilometrii, i meile Huabujärvizil 35 kilometrii. Vai eule matku pitky, onhäi meil kaikil ylen suuri himo opastua kieldy. Pyhäjärvizii kurzal on kolme akkua da yksi mužikku. Myö kai olemmo ylen iložat da pagizijat ristikanzat, muga opastai kui opastujatgi.
Kaksi nedälii tagaperin tunnustuimmo opastajat.nettih, sie pajopuččih kävyimmö, i kai pajot pajatimmo .

[mp]

Passibo kuulumizis. Hyvingo kajahtih Internatsionala-virzi?

[Ruisräkäččy]

Tiettäväine . Olihäi ylen hyvä ezipajattai.

[mp]

Lizäin kursuluvetteloh Anuksen, Kotkadjärven da Tuuksen, hos ei olegi tarkoi tiedoloi. Tuuksel toinah jo loppiettih, Kotkadjärvel jogo allettih, lugennougo Ol'ga tädä? Ga nägöyhäi hos sen, kus on kursua. Toinah luvettelon ulgopuolele on jiännyh vienan kursoi, a livvin kursat enimbät vikse ollah?

[Manutar]

Saimmo Jovensuun kansalaisopistoh tulijakse talvekse karjalan kielen jatkokursan 10.1 - 21.3.2013.
Sygysyn aigah 16 hengie on olluh alugukursal, opastai Sanna-Riikka Knuuttila.

[junttileena]

Kajaanin karjalan kielen kursu roih jo täl nedälil. Suavatannu da pyhänpiän (24.11.-25.11. 9.30-13.00 cuassuh) kerävymmö Kaukameccäh Coma kieli -kursale. Toizen puolen piemmö tuhukuul 16. ja 17. päivinny. Opastai pagizou kursal livvikse. Luvemmo, pajatammo, cuajustugi toinah juommo. Tulgua, ristikanzat, opastumah!