Kielahat ystävät

[Maria]

Vot ku töhlö olen, ruohtingo ni sanella. Vuvven 1937 luvenda kniigas on tekstu linduloin syötändäh näh, syödyy "linnut kyllästyttih". Pidihäi 30 vuottu eliä kuni ellendi suomen "kyllästyä"-sanan, se eihäi ole kui "tylsistyä" ga tiettäväine konzu on kylläl suanuh, on kyllästynyh. Kui voi olla ellendämättäh kyllästyö-sanua ku ellendäy kyllästiä-sanan.

[mp]

Sama perusmerkičys "kylläl" on tagan kumbazesgi kyllästymizes. Karjalazet vaiku ellendetäh pozitiivizesti, suomelazet negatiivizesti, olgah linnut libo rahvas:
+ (pozitiivine, karjalaine merkičys): "Jo söimmö kuvun tävven kagran jyviä, ni yhty jyviä enämbi sinne ei synny. Hyväs mieles olemmo, voimmo istuo da uinota päiväzen pastos".
- (negatiivine, suomelaine merkičys): Linnalazet linnut ollah čirčut. "Ei ni yhty kagran jyviä enämbi. Prizmimmö päiväzenkukan siemenii, kui toizisgi pihois taritah."

Vastevai luvin HS:s, ku sana "kyllä" on suomes uuzi. Sendäh parluamentasgi vie annetah "ei" da "jaa" iänii. Karjalashäi "kyllä" sanua viegi ole, käytetäh "muga" sanua, da puaksuh ven'an "da" sanuagi. Paginkieles samas virras buite ollah vie ulgomuankielizet sanat "ok", "yes" i "ladno" ?

[Pedrunnybly]

Kezäl Vieljärves kielikursal olles tämän sananke vastavuin: terstavuo (libo čerstavuo). Emändy meijän čakkai nuorizuo: mužikat da akat terstavutah i erotah, ei tahtota yhtes eliä...

[mp]

Ei tule ainos mustoh panduu, midä kuulou libo nägöy. Täs vaiku uvvet versiet jo aijembi mainittulois.

Mal'l'an Outil puutui sulhoi hyvä. (Ahtian kieliopin II ozaspäi)
Kulgumies: Saisinko vettä? Emändy: Kačahtai, jäigo midä rengin perzieh!

[Gagarin]

Suomalani briha oppi auttoa käynnistyö: "Pitää varata akku".
Karjalani sih sanou: "Aigabriha, ei piä akkua varata".

[mp]

Akku-dielo jo mieles oli, ei vai olluh hyviä ankedottua. Kuibo olis nengoine versii?
Karjalaine briha soittau suomelazele: Läkkä kalah!
Suomelaine: Ei voi, pitää akkua varata.
Karjalaine briha: Sendähhäi kyzyingi!