Algukursu verkos

[mp]

Sulakuul ezittelin "Kirjat" forumal "Karjalan kielen livvin murdehen algukursu" kirjan. Sain kirjuttajalpäi kirjan lähtetekstutiijoston da jälginedälilöin aijan kiännin sen Internetas livattavah html-muodoh. Sežo kolmandeh vuittih harjoituksis kehitin tiedokonehel tarkastettavan variantan - nämis harjoituksis käytetäh samua "loukkokonehtu" ku opastajat sivuloil jo hätken olluos "verkokieliopis". Nygöi kursan luadii uskaldi andua riputtua sen Internettah. Se on ozuttehes
http://opastajat.net/opastus/algukursu/algukursu.html
Ga pidäy vardoittua, ku verkoversies ei vie ole putilleh "lutikkoloi lestitty", hairehii on, semmite harjoituksis - mehaaniellizes ruavos ei ainos olluh ajatus keral. Kačokkua da kerdokkua ku löydänettö midä kummua.

[Ruisräkäččy]

Suuret passibot, ylen hyvä on tämä verkokursu. Nygöi vai opastumah. En ni tiijä ollougo sivuloil hairehii, ku vaste allus minun opastumine on...Vai katčokkua viizahammat.

[mp]

Sidä Petroskoin yliopistos painettuu kirjua nygöi vikse nikus ei voi ostua, painos on lopus. Sen kirjan yhteh kerdah luvin bumuagukirjannu, toizeh kerdah html:kse muuttajes. Erähii bumuaguverzien painohairehii kohendelin, a voi olla ku iče luajin uuttu hairehtu. Ezimerkikse taulukkoloi pidi uvvelleh duumaija da sit ruavos kebjieh voi uuttu hairehtu roita. Tiedokonehharjoituksii ei vie ken läbi kaččonuh, ičegi en luadimizen jälgeh uvvelleh kaččonuh. Kirjan luadii NG uskaldi kaččuo verkoversiedy kezän aijannu, sit toinah voimmo ruveta verkokursua iellehgi kehittämäh. Tädä materjualua toinah rubiettogi Haapajärven da Pyhäjärven kursiloil käyttämäh.

[Ruisräkäččy]

Tämä materjualu tovelleh on selgei da mieldykiinnittäi. Mugavua opastumistu!

[mp]

Lizäin Gilojevan-Rudakovan Algukursan enzimäzeh luguh http://opastajat.net/opastus/algukursu/ak01.html iändy, ezmäi vaiku kirjaimikon da sanat. Enne ku rubien liziämäh enämbi iäninäyttehii, kačokkua
1) ellendäygo livain Ogg Vorbis iäniforumuattua
2) ongo iäni tarbehekse hyväluadustu
da vastakkua täh, kuibo on. Lugijannu on Natalja Gilojeva.

Käytin Ogg iäniformuattua sendäh ku se on avvoi da ilmaine mp3:n sijahine. Huomain, Wikipediasgi käytetäh oggua. Muutin stereon monokse da kučistin vägi äijän.

[Olói]

minä en malttanuh oggia lizättä

[Maria]

Meijän livain (chrome) hyväh ellendi ogg-formuattua da iänigi minun korvah on hyväluadune!

[mp]

Dai Firefoxal toimiu Windowsas yhtenjyttyöh kui Linuxas. Lövvin dekoudekku ohjelman ozuttehes xiph.org/dshow da azendin. Media Playeras jo voin kuunnella ga ei vie suorah Internet Explorer livaimes.

[mp]

Kebjei taba lizätä Ogg Vorbis kuundelu Internet Explorerah on azendua vlc nimine ohjelmu, ga se ohjelmu on jygei kaikenjyttymän multimeedien kaččelu da kuundeluohjelmu. Se löydyy kirjuttamal googlele vlc.exe (kudai ozuttau linkin http://www.videolan.org/vlc/dowload-windows.html) Azendamizen jälgeh ogg-iänilöi voi kuunnella Explorer livaimespäi.

[mp]

Algukursan iäniformuattu on Ogg Vorbis
Kaikien tietäh, ku audio-cd:le syndyy 75 minuuttua iändy da cdr-levyle 700MB. Ts. kymmene minuttua PCM-luadustu (se on audio-cd:n iäniformuattu) tarviččou enämbi migu 100 MB tilua, se enämbi migu opastajat.net:as forumoinneh kaikkiedah nygöi on. Vuottamattah kuundelemizeh juamanlevevytty pidäs olla 1.4 Mb/s. Sendäh on selvy, ku ei ole mieldy tallendua iändy verkoh PCM-formuatas, pidäy käyttiä kučistajua iäniformuattua. Äijy käytetäh mp3 kučistajua formuattua. Yhtelläh mp3 on patentiiruittu formuattu da sen omistus da käyttöoigevuksis kaiken aigua toratah. Parembi ei hankkie ičelle vaigevuksii tarriččemal julgizesti mp3-kodiiruittuu iändy. Microsoft tahtos pakottua kaikin Windowsan käyttäjikse da Windowsan käyttäjät käyttämäh heijän wma kučistettuu iäniformuattua sikse ku kai dengat suituttas Microsoftan kormanih. Sendäh wma formuattua ei himoita käyttiä. Ogg on pereh patentiiruimattomii, ilmazii iäni- da videoformuattoi eri tarkoituksih. Ogg Vorbis on kučistetun iänen formuattu, kudamas luavun voi vallita läs PCM-luaduzes 500 Kb/s ylen sumbah 30 Kb/s juamanlevevyöh. Ogg Vorbis on aiga levieldi käytetty, ezim. Wikipedia käyttäy sidä. Sendäh Ogg Vorbis olgah Algukursan iäniformuattu.
Ogg Vorbis livaimis
Iäniformuatal ei ole virgua, ku sidä ei voinne kuunnella. Ku Algukursan tekstu on luajittu livaimel kačottavakse, sendäh pidäs iäninäyttehetgi voija kuunnella livaimes käzin. HTML4 formuatas ei ole iändy miäriteldy (toizin kui tulijas HTML5 formuatas), sendäh livaimet vältämättäh ei ellendetä linkin piäs olijoi iänitiijostoloi. Enimbän käytettylöin livaimien kohtal tilandeh on nengoine:

• Firefox da Chrome nengozenah ellendetäh Ogg Vorbis iäniformuattua.
• Internet Explorer da Microsoft Media Player nengozenah ei ellendetä ogg formuattua. On kaksi tabua kohendua tilandeh. Voi azendua toizen meediisoittimen (ezim. vlc kui piälolijas viestis nevvotah) libo lizätä Microsoft Media Player soittimeh Ogg malto (sihgi vihjain piälolijas viestis.). Sellitän nämii šeikkoi leviembi "Muut paginat" forumal.

Rubiemmo kodiiruimah iändy Ogg Vorbis luavul 3, se on nenga 100 Kb/s libo 600 KB minuutas.