Tämän foruman konstitucii on: "Kirjuta karjalakse!". Foruman elaijannu "moderuattoru" (tämän kirjuttai) ei ole hyllännyh niyhty kirjutustu vajuan karjalan kielen malton täh, ga on ottanuh iäreh kaksi-kolme kirjutustu suomen kielen täh, da robotoin työnnettylöi kirjutuksii (enne "antibot" testua). Murdehet Kiestingis Tolmaččuh da Ilomančis Kudärveh kelvatah. Kirjutuksii vepsäkse, ižorakse da vatjakse ei ole tarittu. Kuni karjalazil ei ole yhtehizesti hyväksyttyy normitettuu kieldy (ezim. Bubrihan ehoitukseh perustujua), en iččiegi pakoita murrehnormoih. (Minul ičel on selgyrangas suistamolaine murreh, kirjutan da kudakui pagizen mälliän livvikse.) Perusteh nämih mielih ezimerkikse täs linkas
https://karjalankieli.net/kielitiedo/at ... erit.html .
Kirjuttamine on hyvä metodu kielen opastundah. Lugeminegi on, a kirjuttamine panou aivot ruadamah, pidäy kuitahto eččie, kui suau oman ajatuksen bumuagale. Karjalan kielen fundamentan olen suannuh perehespäi, a hispanien kielen malto suurel vuitil perustuu kirjazien kirjuttamizeh.
Uuzile kirjuttajile
Valvoi: verkomuagari