KKK:n kerhot ruatah

Täl forumal kirjutetah karjalankielizien yhtistyksien ruavos, karjalakse

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

KKK:n kerhot ruatah

Viesti Kirjuttai mp »

Karjalan Kielen Koin kerhot ruatah

Karjalan Kielen Kois vie ruatah plotniekat da päččiniekat a jo rubei
kuulumah karjalan kieligi. Alakerran seinien lavvoitus da suurien
žualoin päčči ollah valmistumas da käymältiloin kamorkat da
keitändyčuppu vuotetah butkimiesty. Kai tämä karjalankielizih toimindoih
niškoi, kuduat jo allettih pal'l'azien paukkehes.

Nelli kerhuo jo ruatah

Joga nedälii kolmanpiän vastavuu käziruadokerho, "buaboloin piiri",
kudamas nieglotah alazii, sukkii da kaikenualazii käziruadoloi omah
käyttöh, lahjakse da myödäväkse. Kerhuo vedäy Aleksandra Nikolajeva.
Nellänpiän kerävyy "pajatammo yhtes karjalakse" kerho, kudaman
kuččujannu on Nadežda Zaitseva. Pajatuksen tarkoitus on oman mielen
hoivendus, ei harjoitella estruadale nouzendah niškoi. Piätenčöin
"pagizemmo karjalakse" kerhos Nina Barmina opastau karjalan kieldy.
Pyhäpäivin harjoittelou teatrukerho, kudamua vedäy Vera Ivanova.
Äijät jo nähtih heijän "Kalevala" ozutus. Nygöi harjoitellah
"Samvuaru" spektaklii.

Kielikerhon gost'annu

Vieljärves on vie karjalan kielen pagizijua, kudamile karjal oli ainavo
kieli školah menendässah, a sie karjalakse ei suannuh paista eigo
opastuo lugemah da kirjoittamah. Sit ruvettih kieldämäh koisgi lapsile
karjalakse pagizendua - nenga luajittih karjalan kieldy maltamatoindu
karjalastu. Nuorimile sugupolviloile školasgi on vähäzen opastettu
karjalan kieldy. Moizet kerrokset nävytäh "pagizemmo karjalakse"
kielikerhosgi. Yhtet maltetah hyvin paista, a tahtotah opastuo
lugemah da kirjuttamah latinalazel kirjaimikol kirjutettuu karjalua.
Toizet ollah kuultu da ellendetäh karjalastu paginua, ga ei paista
eigo kirjuteta. Kolmandet maltetah lugie da kirjuttua ga ei olla
harjavuttu pagizemah.

Ninan joukos on kuuzi opastujua, kaikenigähisty. Kaikil on libo oli
perehpiiris karjalakse pagizijua. Gost'annu kävves urokku oli jo olluh
kuuzi kerdua da kuuzi kerdua oli vie iespäi enne keziä. Iändämisty,
kirjaimikkuo, kielioppii da uuttu sanua oli opastuttu da opastujat
vastaildih opastajan kyzymyksih. Kirjuttamahgi oli opastuttu higi
očas. Silminnägeviä, motivatsii on korgiel da se nägyy tuloksis.
Igor Kalmykov ajau Kinnermäspäi poigien Ivanan da Jegoranke. Iče ei
ole roindua myö karjalaine, a alallizesti kuulou karjalua akas da
muatuškaspäi. Brihačut školasgi opastutah. Nad'a Zaitseva hyvin
pagizou a tahtou opastuo lugemah da kirjuttamah. Sizär Zoja Andrejeva
sežo sulavah pagizou a kirjah ei malta. San'a Nikolajeva ellendäy ga
ei harjavunnuh pagizemah, a nygöi hyvin opastuu. Vera Jegorova,
poštankandai, hyvin pagizou a tässah oli kirjatoi.

Sen voin lujendua, ku urokan aigua žualas kuului moni-iänine
piälekkäine kalkatus, kudai peitti vieres ruadanuon päččiniekan
ruavon iänet. Kaikin oldih hyväl mielel. Täh niškoi kodi ongi nostettu.

Kuva
Plotniekat čuajul

Kuva
Karjalan kielen urokku

Ola

Re: KKK:n kerhot ruatah

Viesti Kirjuttai Ola »

Ylen hyvä kirjutus, suuret passibot.

Ola

Re: KKK:n kerhot ruatah

Viesti Kirjuttai Ola »

Terveh tulgua Karjalan kielen kodih 2. oraskuudu 14.00:n aigah. Meijän teatrugruuppu ozuttau Samvuaru-ozutelman Jaakko Rugojevan mugah. Ohjuajunnu on Ivanova Vera. Spektaklin aigah ruadau cöndzöibazari da kafeterii

Käyttäjän avatar
mp
Viestit: 2108
Liittyi: 05 08 2008, 19:45

Re: KKK:n kerhot ruatah

Viesti Kirjuttai mp »

Nengomua tapahtuu Karjalan Kielen Kois

BUTTON_POST_REPLY