Pajon textan oigiehkirjutukses

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

BUTTON_POST_REPLY
HanHi

Pajon textan oigiehkirjutukses

Viesti Kirjuttai HanHi »

Terveh teile! Tahtozin kirjuttua livvikse lyhyön textan meijän bändil ga en tiijä ongo textu oigieh kirjutettu. Parahat passibot avus gu kentah voizi avuttua!

Täs üritüs livvikse...

Lennä kui linduine taivahal da heitü ilmah
Kaunehus ümbäril kannattau huomenizeh
Tuulenhengävys liikuttau
Unohtuu egläine iäreh

da sama suomekse:

Lennä kuin lintu taivaalla ja heittäydy ilmaan
Kauneus ympärillä kannattelee huomiseen
Tuulenhenkäys tuudittaa
Unohtuu eilinen pois

Sinilind

Re: Pajon textan oigiehkirjutukses

Viesti Kirjuttai Sinilind »

Terveh, HanHi!

Vot mi hyvä, gu tahtot kirjuttua pajotekstua karjalakse. Opin avvuttua, ga kentahto toinegi vois vie paista omat mielet.

Tekstu nygöi on ylen hyvä, ei pie äijiä kohendua. Kiinitin huomavuo kolmeh kohtah:

1) huomenine da egläine. Suomen kieleshäi voibi sanuo "huominen" merkičykses ’huomenine päivy’, ga minun tiedämäl karjalas huomenine/egläine ollah vaigu adjektiivat. Pidäs olla "huomenine päivy", "egläine päivy". Vois olla "Kaunehus ümbäril kannattau huomenizeh päiväh", yhtelläh lopus vaigu "Unohtuu egläine iäreh", gu ei tulis toistuo da onhäi jo kuundelijan tiijos, gu pagin on päiväh näh.

2) tuudittaa – liikuttaa. Karjalas sežo on verbi t’uudie, kui uinotuspajos ”t’uudin t’uudin lastu, piendy pikkarastu”. Sendäh voizithäi tahtojes kirjuttua sežo ”tuulen hengävys t’uudiu”. Valliče se, kudai tulou parembannu korvah da kudai parem pädöy meloudieh.

3) iäreh. Tädägi muoduo käytetäh, a puaksumbah on iäre libo iäres. Valliče omah korvah paras.

Ližäkse huomain, gu sinul on pajotekstas kui ü mugagi y. Parembi käyttiä vaigu kudamuatahto. Nygyjäh Karjalan tazavallas moni vuottu kirjutetah y, a Suomes erähät vie kirjutetah ü.

Edit: Tiettäväine, tämä ”huomenine/egläine päivy” rippuu sitgi, midä tahtot omas pajotekstas sanuo. Gu tahtonet olla runollizembi da vihajata vaigu tulieh da mennyöh aigah, et juuri huomenizeh libo egläzeh päiväh, ga sit mindähbo ei vois olla ilmai päivy-sanuagi. Runoniekal onhäi runoniekan vällys!

BUTTON_POST_REPLY