opastajat.net/forum

Tänpiän auttol kui ajoin ga rubein duumaitshemah midä ollou eroa kui sanotah ravieh, n'äbieh, ruttoh libo terväh?

Vastinehet ollah,mil kielel tahtot?

Ethäi Gagarin ajanuh liijakse ravieh moizii duumaijes? Politsii vie terväh štruafuiččou. Ollou n’äbei kieli, ga voit sellittiä, ku ruttozeh pidi ehtie kodih enne benzinan loppevundua.

Ga minul ei loppei benzin, a kielinero, engo putilleh tiijä engo malta sellittiä eruo. Minule juohtuu mieleh kaksi vähästy eriluadustu merkičysty, hos net liitytäh toine toizeh:

1. suurel vauhtil, suurel kirmevyöl (huomivo vauhtis)
2. pikoikodvazen peräs; ei pie hätkie vuottua (huomivo aijas)

”Ravieh” toinah enämbi on 1. merkičykses, ”ruttoh” vähästy mollembis. A ku roinnou midägi ”terväh”, ga sit merkičys vois olla enämbi 2.

Arbuan ielleh: toinah ”n’äbieh”-sanah kuitahto liittyy mittuinelienne kebjevys. Terävy kirves ved’ on n’äbei. Konzu kirves on n’äbei, leikata ei ole jygei. On vaiku vähäine estetty libo ei nivouse. Mugaže raviel ristikanzal ei ole jygei midägi ruadua, a kaikin ravieh rodieu, äijy on vägie da kirmevytty...

Onnuako nämmis paginois ei ole padah pandavua. Maltanougo ken putilleh sellittiä?

Jälgehpäi iče zavodin duumaiččemah ravieh vai ajannou, ga sid n'äbiembäh kodih tulou da matka mänöy ruttoh. A terväh voi sih luaduh i sakon suaha.