Genetz: Kerdomus Suojärven pidäjäästä...

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Genetz: Kerdomus Suojärven pidäjäästä...

Viesti Kirjuttai mp »

Rubein uvvessah lugemah karjalan kielioppiloi. Voi olla vahnembuagi, a nygyaijaspäi jälgilöi myö astujen piävymmö imbilahtelazen Arvid Genetzan 19-vuodehizennu kirjutettuh tekstah "Kerdomus Suojärven pidäjäästä ja matkustuksistani siellä v. 1867" kudai piäzi ilmah 1870.
(Muodo "pidäjäästä" tulou sanaspäi "pidäjäs"). Täs 75 sivuhizes tekstas on 6 sivuu johtanduo, 33 sivuu kielioppii, 28 sivuu kielinäyttehii (suarnua) da 8 sivuhine sanakirju.

Johtandos Genetz huomua ku murdehet, joga kyläs erilazet, jagavutah kahteh luokkah: Enimis kylis paistah murdehii kudamii nygöi sanotah (suvi)varzinkarjalazikse, a Hauduvuaras da toizis liidehčuran kylis paistah eri luaduh, kui nygöi sanotah, liygiläzel murdehel. 10-15 vuottu myöhembihäi Genetz kirjuttigi kaksi kirjua, "Tutkimus Venäjän karjalan kielestä" da "Tutkimus Aunuksen kielestä". Johtandos häi kuvailou latinalazien nimilöinke mittustu elättii da kazvii sie on, da muitegi sidä suohistu maizemua. Rahvastu häi ziäleiččöy: "Petollisuus työssä ja toimessa sekä irstaus ovat paheita, joita he eivät paheina pidä, sillä kristinuskosta heillä on hyvin sekavat ja väärät jatukset ja tiedot".

Kieliopis häi aiga tarkah sellittäy foneetiekkua da kielinäyttehis ongi tarkah ozutettu iändämine: "Toisessa osassa on paljon yhteydetöntä lorua, jolla sisällyksen suhteen ei ole mitään arvoa, vaan siinä onkin pääasiana tarkkuus äänien merkitsemisessä". Kieliopis olis aiga vaigei suaha tolkuu tiedämättäh suomen kielioppii, da sitgi terminöin erilazus vaigevuttau ellendämisty. "Sijoitelma" tarkoittau taivutustu, "tehdikkö" verbii, "koncessivo" potentiualua. Verbin infinitiivi on sen "substantivo" da partisiippu hänel on verbin "adjektivo". "Itsekohtainen käytelmä" tarkoittau refleksiivuverbii. Ga voibi sanuo, ku täsgi lyhykkäzes kieliopis on sellitetty enimät karjalan kieliopin omaluaduzuot suomen kielioppih verraten, ken sen ellendäy.

Tekstu djvu-formuatas löydyy KKS:n digikirjastos.

BUTTON_POST_REPLY