oigiehkirjutukses

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Re: oigiehkirjutukses

Viesti Kirjuttai mp »

En ole vie piättänyh c/ts kirjutustu, ga terväh se pidäs piättiä. Omas Muas vie ei ruvettu c:nke kirjuttamah. Ihan lougiellisty sistiemua täs ei roinnuh - c on s:n affrikuattu, olgah dentualine libo palatualine (č, š). Soinnilline sibilantu kirjutetah z, ga silbo ei ole affrikuattuvariantua, pidäy kirjuttua mandžoi. Tavallah olis olluh lougiellizembi ottua soinnitoi sibilantu s, soinnilline z, palatalizoija šliäpäl da luadie affrikuattu panemal t/d.

Net h:t, kudamat on ven'an däh muutettu g:kse, meinuan sistemuattizesti kirjuttua h:kse, en rubie kirjuttamah gumanistu, Stokgolm, Gavai, Gollandii.

Pitky vokali / diftongu kyzymykses mustelen, ku pitkiä vokalie sai käyttiä uvvembis ulgomualazis sanois. No matemaatiekkuhäi on moni tuhattu vuottu vahnu tiedo, yhtelläh en tahto vaihtua aa:du ua:kse. Ga enbo tiijä, graafine da gruafine mollembat synnytäh suuh.

Ennegi oli paginua što -sanas. Onnuako moine rakendeh on olluh liijan vaigei ammuzelle karjalazele, ei tarvittu nengomua sanua. Sit kirjoih otettih ven'an sana. Gagarin ehtotti jotta sanua sen sijah, nenga olisgi hyvä. Minun Oma Mua "korpukses" (9 MB tekstua) löydyy gu 540 kerdua, ku 5013 kerdua. En ruvennuh lugemah kui net jagavutah merkičyksen puoles.

Pekoi
Viestit: 356
Liittyi: 18 09 2008, 20:54

Re: oigiehkirjutukses

Viesti Kirjuttai Pekoi »

Ellendän ku Anukses on ruado da Videles raado.Ruadivuo, ni raadivuo en ellendä.Kuspäi net oldannou laihinas?
Ku ollou 'radio'-späi,minu korvu sanou: radivo.

Käyttäjän avatar
mp
Viestit: 2108
Liittyi: 05 08 2008, 19:45

Re: oigiehkirjutukses

Viesti Kirjuttai mp »

Toinah on moni mieldy, ongo livvis pitkii vokaliloi, semmite aa, ee, oo, a ku ollou sit ne ved' ollah painollizes libo sivupainollizes tavus kui graafine, teemu, oopperu, matemaattine. Nengoine perusteh raadivolgi on. Kenbo maltau sellittiä paikallizet murrehpiirdehet, kuduat ollah ihan erilazet migu ymbäristös, mindäh "piä" on Videles "pää" da Kolatselläs "pee"? Hyväksymäl murdehet rodieu kebjiembäkse hyväksyö kirjukieligi.

Gagarin

Re: oigiehkirjutukses

Viesti Kirjuttai Gagarin »

Pekoi kirjutti: Ellendän ku Anukses on ruado da Videles raado.Ruadivuo, ni raadivuo en ellendä.Kuspäi net oldannou laihinas?
Ku ollou 'radio'-späi,minu korvu sanou: radivo.
Abo "ruanda"? Muissan kui baba kaččoi uutizie Ruandan voinah niškoi da duumaičči:
"Kuiba nengoini nimi on mual? Ruanda, siel taki ylen äijä ruavetah"

BUTTON_POST_REPLY