Mualoin nimet

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Re: Mualoin nimet

Viesti Kirjuttai mp »

Kačoin sidä mualuvetteluo, nygöi ozuttehes
http://opastajat.net/paikat/muat.html
da opin kohendella erähii nimii. Printsipannu on ku loittozet muat da linnat kirjuttua alguperäzeh muodoh ku nengoman voinnou tiediä da kirjuttua, da karjalazile vahnat tuttavat karjalazen suuh sobijas muvvos. Toinah vaigevimakse ozutihes Daanien piälinnu. Hyö iče se kirjutetah København, kuibo se olis paras karjalakse. Luvetteloh jäi Kopenhagen, a voisgo se olla Köbenhavn? Muudu kyzyttäviä luvettelos?
Luvetteluo kohendajes kirjuten sen nengomah muodoh, ku läs ilmai voizin luadie sit riputandupačaskizan, eri tavoilgi. Kyzyttävänny vois olla mua libo piälinnu, kuvavihjejenny flagu. Muakyzymykses vihjehenny vois olla piälinnu, rahvaslugu libo piälinnan koordinuatat. Piälinnukyzymykses vihjehenny vois olla mua libo koordinuatat. Himoittasgo kel nenga riputtuakseh?

Sinilind

Re: Mualoin nimet

Viesti Kirjuttai Sinilind »

Köbenhavnin karjalazekse nimekse tiettäväine pidäy Kupsanportu.

Erähät luvettelos olijat nimet pandih miettimäh loppu-U:du. Mindäh Ukrainu da Argentiinu, ga Sri Lanka, Bahama, Panama, Ruanda i m.i.?

Minul himoittas riputtuakseh. Toinah piälinnukyzymykses parembi olis vihjehenny mua. Koordinuatat, ketbo niidy maltetah? :geek:

Käyttäjän avatar
mp
Viestit: 2108
Liittyi: 05 08 2008, 19:45

Re: Mualoin nimet

Viesti Kirjuttai mp »

Sinilind kirjutti: Erähät luvettelos olijat nimet pandih miettimäh loppu-U:du. Mindäh Ukrainu da Argentiinu, ga Sri Lanka, Bahama, Panama, Ruanda i m.i.?
Nämii pidäy vie duumaija da kyzellä tiedäjil. Oli selviä hairavuogi, tiettäväine "Ciudad de Guatemala" on Guatemalan linnu, ei linna.
Minul himoittas riputtuakseh. Toinah piälinnukyzymykses parembi olis vihjehenny mua. Koordinuatat, ketbo niidy maltetah?
Pidäy luadie. Koordinuatois on se hyödy, ku net opastettas muantieduo, niilöis nägöy, ongo mua pohjazes vai suves, päivännouzus vai päivänlaskus.

Yksi suuri zobottu täs on. Riputandupačaskiža tarviččou java-pluginan. Tässah se on hyvin toiminuh da endizel pluginal viegi toimiu, ga uvvet java-pluginat ei ozuteta sivuu, pidäs panna https:n tuakse, toinah pidäs vähäzel ohjelmuagi muuttua?

Maria

Re: Mualoin nimet

Viesti Kirjuttai Maria »

Moine kiža olis hyvä, ku pidäs kartal čökätä sih kohtah, kudaman arbailou sen muan/linnan kohtakse, da sit tulos rodies sen mugah kui lähäle puutui čökätä. Ga se tiettäväine on jo eri kiža. Vähästy tämän jyttyinehäi on Karjalan kylil jo. Riputandupačasgi mualoil olis hyvä.

Käyttäjän avatar
mp
Viestit: 2108
Liittyi: 05 08 2008, 19:45

Re: Mualoin nimet

Viesti Kirjuttai mp »

Nenga ičegi duumaičin. Ku moine hyvin luadie, pidäs voija pyörittiä ekruanal muamiäččyy. Moine iče hyvin luadie olis hirvei hommu. Hyvähäi nengagi olis ku koordinuatoin kirjuttamine kiändäs sen miäčyn sen kohtan kaččojah päi. A ku ezmäi sais hos riputandupaččahakse.

BUTTON_POST_REPLY