Murrehatlasan jälgikäzittelyy

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

Käyttäjän avatar
mp
Viestit: 1899
Liittyi: 05 08 2008, 19:45

Murrehatlasan jälgikäzittelyy

Viesti Kirjuttai mp » 19 02 2017, 18:31

Bubrih abuniekoinke ruadoi ylen suuren ruavon karjalan murdehien kartoittamizekse. Ruavon tuloksie voi kaččuo Karjalan kielen murrekartasto kirjas.
Kuva Kuva
Panin tiedokonehen verdailemah eri kartoituksen tuloksii da klusteroimah murdehii samanlazuon mugah. Anualizan tuloksii voi kaččuo tiä.

Käyttäjän avatar
mp
Viestit: 1899
Liittyi: 05 08 2008, 19:45

Re: Murrehatlasan jälgikäzittelyy

Viesti Kirjuttai mp » 20 04 2017, 10:33

Kuva
Olen jälgiaijal tarkistannuh syötettyy datua da tävvendellyh Murrehatasan klusteroinduohjelmua. Klusteroindan pohjakse voi vallita mintah Atlasan kartan (kielikyzymyksen), libo kartoin ozajoukon. Piälolijan kuvan datannu ollah kai Atlasan 206 kartua. Kartua ohjelmanke kaččojes (ei piälolijas kuvas!) voi jogahizen kylän kohtal nähtä, kui sie vastattih mihgi kyzymykseh. Valliččemal yksittäzii kartoi libo pienii kartoin ozajoukkoloi, tuloksennu voi olla erinägözii klusteroindupuuloi - variatsiedu on kyläs toizeh mennes. Ga suuri kuva on piälolijan nägöine. Mieldykiinnittäjiä täs kuvas on, ku sen mugah kolme karjalan "piämurrehtu", sangiel sinizel viival yhtistetyl, ollah "Mändyselgä" (keskikarjalua), Kivijärvi (suvivienua) da Suurimägi (livvii). Täs kuvas tver liittyy Kivijärveh. Toizis eksperimentois puaksuh Mändyselgähgi; Raja-Karjalan tiedoloi Atlasas ei ole. Lyydi liittyy Pyhärven da Konnun kauti Suurehmägeh.
Midä tämä tovestau. Ei vältämättäh äijiä. A sen, ku toinah netgi, kuduat jyrkäh prizmitäh kahtu, kolmie, nelliä, viitty karjalan kirjukieldy, ei vältämättäh olla lujal tiijollizel pohjal. Klusteroindukartal suurin välimatku on Kunttikylän (ihan pohjazes) da Kuujärven välil, a ku ollou aziellistu ellendämizen (ellendiä=elgeta=toimitada=toimittua=maltua=ymmärtyä=ponimaija) pohjua, hyvin voi paista da löydiä yhtesymmärrys.
P.S. Kohendukset ollah verkosivuloil, kudamien linki on iellizes viestis. Paiči tiettäväine, iče ei voi vallita kartoi, voi vai kaččuo tiedoloi vallittulois klusterois.

Käyttäjän avatar
mp
Viestit: 1899
Liittyi: 05 08 2008, 19:45

Re: Murrehatlasan jälgikäzittelyy

Viesti Kirjuttai mp » 01 06 2017, 22:24

Jälgimäzen kuun aijannu klusteroinduohjelmah on roinnuh vägi äijängi muutoksii, kudamat toinah avvutetah parembi lugemah klusteroindua, paikku endine http://karjalankieliopit.net/atlas/intro.html

Vastua viestih

Paikalolijat

Käyttäjii lugemas tädä forumulaudua: 1 da 0 gost'ua