Sugu on suuri

Tänne paginat kuduat ei synnytä piälolijoih forumoih

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Sugu on suuri

Viesti Kirjuttai mp »

Kirjutin Omah Muah niškoi nengoman tekstan, kelvannougo?

Pekoi
Viestit: 356
Liittyi: 18 09 2008, 20:54

Re: Sugu on suuri

Viesti Kirjuttai Pekoi »

Ylen hyvin kelbuau! Vie gu kentahto maltais kirjuttua tovenmoizen,a yksikai luajitun starinan kenentahto riskanzan elokses Karjalas ennevoinua,evakos,järillehtulendas,koin heitändäs da ilmoiigäzes tuskas. Moizen ku Nikolai Zaitsev kirjutti Omah Muah.

Käyttäjän avatar
mp
Viestit: 2108
Liittyi: 05 08 2008, 19:45

Re: Sugu on suuri

Viesti Kirjuttai mp »

Nikolai on vahnu mies da harvetah net kel on omua kogemustu sit aijas. Minun kirjutus on aijatoi da vallas da sendäh ebäilengi, kelbuago.

Gagarin

Re: Sugu on suuri

Viesti Kirjuttai Gagarin »

Jo monda vuotta aijembah duumaičin kirjuttua kirjan muamon kogemuksis talvivoinas.
Häi kui oli vie 30.11. huondeksel mečän läbi školahpäi assumas Moisseinvuaras kymmenvuodizena
lapsena. Tykkilöin pačkeh vai kuului päivännouzuspäi. Opastai kiännytti kai lapset järilleh kod'ih
da muuda ei sanonnuh kuin "Tänpiän eule škokula".

Tuhukuus kezäkuuhsai hänen kogo pereh oli Kaimaojal vangiks otettu da sen jälgeh piästih
Suomeh matkuamah. Olen kuulluh muga äijän kaigenjyttyzie dieloloi neniis aijois da lopuškat suannuzinhai
iče starinoija kirjah omas piäs.

Erähäčči jo rubein kirjuttamah a täh aigahsai en ole vie putílleh nečis projektua ičelleh ottannuh valmeheks suaha.

Käyttäjän avatar
mp
Viestit: 2108
Liittyi: 05 08 2008, 19:45

Re: Sugu on suuri

Viesti Kirjuttai mp »

Hyvä olis ku kirjuttazit! Suomen karjalazile da kaikile suomelazile ket sen verran ellendetäh, "Puhtasjärven Maša" olis hyviä lugiettavua. Se mi minuu häiriččöy, on kui evakkoloigi käytetäh toispuolizesti viholliskuvan luajindah. Suomen karjalazet vähä tietäh Ven'an karjalazien evakkoh lähtendäs, Ven'an karjalazet Suomen karjalazien evakkoh lähtendäs onnuako vie vähembi, kui talvivoinan da jatkovoinan jälgehisty evakkohlähtendiä ei ni ollus. Kritikuičin Klementjevan "Karjalazet" kniigastu sit ku häi hyvin sellittäy Ruočin agressien 1600-luvul da karjalazien evakkohlähtendän, min suomelazet tahtotah unohtua, a talvivoinas häi sanou nenga: "Vuvvennu 1939 ligakuun 30 päivänny avavui muga sanottu talvivoinu. Ven'an da Suomen sobimuksen mugah, kudai oli solmittu 12 kevätkuudu vuvvennu 1940, Karjalale oli luovutettu Karjalan kannas, päivänlaskupuoline da pohjaine Luadogan rannikko, Kandalakšas päivänlaskupuoleh aloveh, erähät Suomen lahten suaret." Sen verdu, ga toinah tämän kirjan radikualine pal'l'astus oligi sana "muga sanottu talvivoinu" kudai silloi "avavui". Poliittine ohjavo nägyi tänävuon, konzu karjalazii kirjuttajii kyzyttih kirjuttamah "suures izänmuallizes voinas", noumeratgi 1941-1945 ollah poliittizet. Toinah olisgi hyvä ku Suomen da Ven'an karjalazet yhtes kirjutettas karjalazien evakkoloin kirju, tävvendetty ulgomualazien (ei suomelazien libo ven'alazie) histouriellizel sellityksel. Suomelazis da ven'alazispäi en vuota objektiivistu histouriedu karjalazih näh, a ku hos karjalazet kallattas korvua rajantagazen karjalazen kerdomuksele.

Pekoi
Viestit: 356
Liittyi: 18 09 2008, 20:54

Re: Sugu on suuri

Viesti Kirjuttai Pekoi »

Hyvä oli kirjutus Omas Muas! (tarkah en verdailluh oligo sensorat käydy.. ;) )Passibot!

Käyttäjän avatar
mp
Viestit: 2108
Liittyi: 05 08 2008, 19:45

Re: Sugu on suuri

Viesti Kirjuttai mp »

Hyvin oli, kuvagi kudamua hätken kohendelin enne työnnändiä.

BUTTON_POST_REPLY