Suomen karjalazet pagolazii vai ei?

Tänne paginat kuduat ei synnytä piälolijoih forumoih

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Suomen karjalazet pagolazii vai ei?

Viesti Kirjuttai mp »

Helsingin Sanomis oli 30.11.2015 rubriekan "Talvisota: Suomessa on historiallista kokemusta pakolaisten kotouttamisesta" al professoru Jussi Pakkasvirran kirjutus pagolazuos. Syynny tiettäväine oli jälgiaijal lizennyh pagolazien tulo Suomeh da pagolazien vihamieline vastuandu. Pakkasvirta kirjuttau, ku Karjalaspäi tulluzii erähis kohtis piettih tungettelijoinnu da kodirauhan mešaiččijoinnu, ga yhtelläh tulijat ruttoh kodovutettih suomelazeh yhteiskundah. (Vai pidäsgo sanuo "assimiliiruittih"?) Tämä kirjutus suututti monii. Sanottih ku se oli ihan eri dielo migu nygöine pagolazien tulo. Karjalan evakot ei oldu pagolazii, ku hyöhäi vaiku siirryttih muan sydämes paikas toizeh. Nenga sanou i Karjalan Liiton paginanvedäi Marjo Matikainen-Kallström, kudai ehtottau Karjalan evakkoloin nimittämisty "siirdosuomelazikse". Monien kirjutuksien däh Pakkasvirta kirjuttau uvvessah 8.12. ku talvivoinan aigah oli da nygöi on kyzymys hiänalazien voinupagolazien avvuttamizes. Silloi sijoitettih 400 000, nygöi on tulluh 30 000. Häi vie liziäy ku ičegi on ozittain "geneettine" karjalaine, a puhtastu arjalastu, karjalastu, suomelastu libo siirielästy ei ole eigo nikonzu olluh, kai olemmo "mestičoi". Toizes kirjutukses 8.12. prof.emer. J.P.Roos lujua ku käziteh "pagolaine" hyvin pädöy karjalazih: heijän pidi pajeta kodirannalpäi, hyö ei lähtietty omas tahtos. Ielleh häi kirjuttau, ku karjalazien vastuandu Suomes ei olluh ylen erilastu migu pagolazien vastuandu Suomes nygöi. Eronnu on se, ku silloi karjalazii ei sijoitettu vastahohttokeskučoih a suomelazien kodiloih.

BUTTON_POST_REPLY