Kui skanniruija kirju?

Tänne paginat kuduat ei synnytä piälolijoih forumoih

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Kui skanniruija kirju?

Viesti Kirjuttai mp »

Kui skanniruija vahna kirju? Moizen kirjan toinah suau laihinakse vaiku lyhyökse aigua da sidä pidäs käzitellä varovazeh. Puaksuh bumuagu on muzavu da tekstu himmei da selgy kangei, putilleh ei voi ni avata. Hyväl tazoskanneral olis helpo skanniruija A4-sivuloi a vahnan kirjan skanniruičendah se ei päi. Jälgiaijal skanniruičin kahtu vahnua kirjua da pidi eksperimentiiruija da duumaija kui se luadie. Toinah nämis mustohpanolois ei ole toizile hyödyy, ga hos ičele myöhembi.

Mittuzeh formuattah? Kučistamatoi kirjan sivu 2000x3000=6M pikselal (ei ylen tarku rezolutsii) värilöis on 18 MB, harmaisävylöisgi 6 MB. Informatsiedu hävittäjäs Jpeg-formuatas nenga 2 MB. Tekstu on mustuvalgiedu, libo binaaristu. Binaarizennu häviöttömän Group 4 Fax kučistuksenke sivu syndyy 30 KB:h. Ielleh se kučistuu häviöllizel djvu-formuatal 10-20KB:h, tuhandendeh vuittih. Sendäh djvu-formuattu on tavoiteh, se on kehitetty sih tarkoitukseh.

Mittuine on dorogu kirjan sivus djvu-sivukse:
- tazoskannerua ei voi käyttiä, fotokuvua sivu, kohendettavua jiäy
- kierrä sivuu, kameru oli vinos
- oigua perspektiivu, kameru ei olluh kohtisuoras
- kohenda valgo, toine reunu on suannuh enämbi valguo
- kameran objektiivu vinjetoi, reunat ollah muzavembat
- kirjan selgy ei taivu, taitoskohtu on muzavembi da tekstugi viändyy
- muuta kuva binaarizekse, kirjaimien pidäy nägyö, muun ei pie
- tallenda tiff:akse Group4 kučistuksenke
- muuta tiff djvu:kse
Kai tämä kirjan jogahizele sivule. Voibigo käziruaduo kebjendiä?

Formuatan muunnokset on helpo automatiziiruija. Kierdo da perspektiivan oiguandu ei olla ylen vaigiet käziruavonnugi. A vallon tazuandu on suuri hambahan kivistys, da kuibo käzin kohendat vinjetoindan? Nenga toimin. Ideju on tämä: Hos sivun eri kohtat ollah eri muzavuttu, kirjain on omua ymbäristyö muzavembi. Pidäy luadie fil'teru kudai muzavoittau valpahii kohtii libo valgua muzavii kohtii. Fil'teran luajiin liziämäl kuvah ylen äijän ebäterävytty (blur). Kaččomal kuvua iče kuvas luajitun fil'teran läbi se on tazavalpas da kirjaimet eroitutah kui ennegi. Nenga tämängi vaigien kohenduksen voi automatiziiruija. Käziruaduo vie jiä, ga 300-sivuhinegi kniigu jo ei ole liijan jygei. Yksittäzien sivuloin manualizeh kohendamizeh käytän Gimp-ohjelmua, automuattizih kohenduksih Image Magick ohjelmua.

Sinilind

Re: Kui skanniruija kirju?

Viesti Kirjuttai Sinilind »

mp kirjutti: Käziruaduo vie jiä, ga 300-sivuhinegi kniigu jo ei ole liijan jygei
A ei ole...! Kuva Ihan hirvei hommu. Ethäi vai yksinäh tädä kaikkie rua? Luvekkua-sivuu da digikirjastuo kaččojes nygöi vaste ruvennen ellendämäh, midäbo se merkiččöy ”stahanovilaine”. En nivouse arvannuh, ku pidäy sivulois fotokuvua ottua, da sit vie käziruavonnu kohendua...

Käyttäjän avatar
mp
Viestit: 2108
Liittyi: 05 08 2008, 19:45

Re: Kui skanniruija kirju?

Viesti Kirjuttai mp »

Kenbo muu? On täs se edu ku net ollah oldu ičen käskietyt ruavot, kniigat kudamat olen tahtonuh nostua lugiettavakse. Olen oppinuh automatiziiruija ruaduo, konzu sit on olluh abuu. Engo ole ruvennuh ylen pedantakse lopputulokseh nähte. Nygöi pidäy vie erähii vahnoi kielioppiloi suaha lugiettavakse.

Pedrunnybly

Re: Kui skanniruija kirju?

Viesti Kirjuttai Pedrunnybly »

Sinilind, a ruadai häi on, mp, on ainos olluh, ruavon objektat vai vaihtutah! ;)

Sinilind

Re: Kui skanniruija kirju?

Viesti Kirjuttai Sinilind »

Pedrunnybly kirjutti: Sinilind, a ruadai häi on, mp, on ainos olluh, ruavon objektat vai vaihtutah! ;)
Toven on ruadai! Nu net ollah nämmä nuoret, vie tävvet vägie da ruadohimuo... :roll:

BUTTON_POST_REPLY