Enzimäine sana karjalakse

Tänne paginat kuduat ei synnytä piälolijoih forumoih

Valvoi: verkomuagari

Maria

Re: Enzimäine sana karjalakse

Viesti Kirjuttai Maria »

Pidäy sanuo, ku äski Iivon paginas ellendän mibo se on "pipi", kudamua käytetäh satateksis. Minä iče lapsilegi pagizen ihan normualisti, ei ole "poppa" libo "pipi" minun paginas. Ga Iivol ku k-iänneh (hos nygöi jo erähis sanois tulou k:nnu) enimyölleh tulou t- libo p-iändehenny, da e-iänneh enimyölleh i-iändehenny, sit häi sanou kibei-sanan "pipi", libo ku kentah iččiedäh satattau libo mitah kibei roih/rodih häi sanou "pipi oi" libo "pipi oa" (jo vähäzeh midätah r:n jyttysty on sanan allus).

"Poppa"-sana on olluh minule jo aijembi ellendettävy. Sehäi selgiesti tulou sit, ku lapsi oppiu sanuo "polttaa", no sanou sen "poppaa", ku ei vie putilleh malta, da sit sidä on ruvettu käyttämäh hiilavan sinounimannu. (Da erähät käytetäh sidä kai lampazih näh lapsile paistes, hos ei olis ni polttai...) Ga minun mieles lapsile voibi paista ihan normualisti.

Sinilind

Re: Enzimäine sana karjalakse

Viesti Kirjuttai Sinilind »

Sinulhäi jo rubieu olemah pädijiä ainehistuo hos akadeemizeh tutkimukseh lapsen paginan kehittymizeh näh! :lol:

Tarkoitatgo ihan normualil paginal vaiku tavallizien sanoin käyttämisty lapsenke vai sego tavallizien sanoin sego tavallizen iänenluavun käyttämisty (normuali iänenpaino i iänenkorgevus, ei ”lapsi-aksentua”)?

Monis kielishäi lapsile paistes käytetäh sanoi, kudamat ollah moizet murennuot, ku oldas kebjiembät lapsen iändiä. Sit vie erähät muga sanotut oigiet sanat ollah lapsien paginas roinnuot, kui ezimerkikse muamo da tuatto (mama, tata). Minä vie setämä vuottu tagaperin nikonzu en kuulluh tädä poppa-sanua da vouse en ellendännyh, mibo ollou moine — ainavo poppa, kudaman tiezin, oli ven’aspäi suadu poppa, kudai on poppamiehes da poppakonstis (< поп, ’pappi’). Ga pipi minus on substantiivannu hyvä sana da peittäy mondu eriluadustu kibiedy dieluo, olgah satates, sin’akku libo mitahto muu. Adjektiivannu en näe hyödyy, ku voi vai sanuo kibie.

Ga ihan tavallistu iänenluaduu vouse en malta lapsukkazien libo elättilöin kel käyttiä. Vellel on enämbi kymmendy vuottu, ga viegi pagizen hänele kui kikile libo kolmevuodehizele. Nu yhtelläh tulijas aijas psiholougat suahah dengua kormaniloih, konzu häi kazvettuu terapies juoksou minun lapsipaginan periä. Kuva

Käyttäjän avatar
mp
Viestit: 2105
Liittyi: 05 08 2008, 19:45

Re: Enzimäine sana karjalakse

Viesti Kirjuttai mp »

Maria kirjutti: Ga minun mieles lapsile voibi paista ihan normualisti.
Minä vie en ole andanuh andiekse aiguzile, kuduat lällätetthih da rastavanukkoloinke kielastettih.

Pekoi
Viestit: 356
Liittyi: 18 09 2008, 20:54

Re: Enzimäine sana karjalakse

Viesti Kirjuttai Pekoi »

Lällätändiä ni minä en voinnuh tirpua. Kielastandu oli toine azii. Minul se andoi vallan duumaija kaikenmostu midä ei vie olluh,ilmai mieldy,ilmai zakonoi libo nevoloi.Karjalan kieligi oli allukse ruavahien peittopagin,a ku rubein ellendämäh,jo otin sen dovarisoin ker yhtehizekse kielekse mil niäritimmö tuhmembii kandurahvahii. :lol:

Maria

Re: Enzimäine sana karjalakse

Viesti Kirjuttai Maria »

Sinilind kirjutti: Tarkoitatgo ihan normualil paginal vaiku tavallizien sanoin käyttämisty lapsenke vai sego tavallizien sanoin sego tavallizen iänenluavun käyttämisty (normuali iänenpaino i iänenkorgevus, ei ”lapsi-aksentua”)?
Enämbi tarkoitan sanaston puoles, no vähä muitegi paginluaduu. Voin minä lapsienke välih "hassutella" (kuibo se olis karjalakse, en tiijä), no muite lapsilegi pagizen normualih tabah, kui ristikanzu toizele ristikanzale. Ga ei se tiettäväine sidä sano, ku kai dielot mendäs vagavah. No erähičči lapsisgi nägöy, ku hyö kummeksujen kaččotah mindähbo heile paistah sih luaduh, ku heil ei olis tolkuu piäs.

Erähät käytetäh suomekse lapsile paistes "koiran" sijah sanua "hauva". Toinah se on sen periä, ku duumaijah se on lapsele kebjiembi sanuo migu koiru, sana, kudamas on r-kirjain. No minä en näi sanua toizii jygiembänny. Sannou lapsi sanan "koiru" sijah "koiu" libo midätah, vikse ellendämmö ku se on koiru. Toine dielo sit on vie se, ku erähät ruvetah käyttämäh lapsen käytettylöi sanoi, muga ku sannou lapsi sanan "nälgy" muvvos "ääky", sit ruvetah lapsel ainos kyzymäh lapsel ongo sinul "ääky". Mindähbo lapsienke muga. Ku eihäi ved niken muga rubie toizen paginluaduu matkimah, ku ollou hairavollizen paginluavun syy hos se, ku toine pagizou hänele uuttu kieldy eigo vie putilleh malta iändiä, libo mintah voimattomuon periä ei sua putilleh iännettyy.

Maria

Re: Enzimäine sana karjalakse

Viesti Kirjuttai Maria »

Da Iivo on ruvennuh kohendamah minun paginoi :lol: Tänäpäi toinah Juulilpäi kyzyin suomekse pidäygo mennä "vessaan". Iivo sih sanoi "pää-ää", kui häi sanou "käymäläh", ku ei mostu pitkiä sanua vie putilleh malta sanuo (sanan paino yksikai tulou hyvin). Kačokkua, ku rubieu jo kohendamah muamua, pagize karjalakse :mrgreen: (Toizile paistes sanou "issaa", ku sanou sanan "vessaan", perehenke se on "pää-ää")

Maria

Re: Enzimäine sana karjalakse

Viesti Kirjuttai Maria »

Tuli mieleh eräs tapahtumu täh dieloh näh, ku erähät vikse ei ellendetä ku lapset ellendetäh heijän paginua, sitgi konzu hyö paistah normualih tabah. Libo en tiijä kui tämän vois sellittiä. Duumaijahgo hyö, ku lapsi salbuau korvat konzu rahvas paistah "normualii kieldy" da kuulou vaigu sen "lapsikielen". Nämmä ollah ihan tozidielot, iče kuulin, iče näin :p Yksi oli syöndystolas. Lapsen vieres istui ristikanzu pagizou lapsikielel "ai ai, opihäi sparžukapustua, se tottu on magiedu, ai ai kui magiedu sparžukapustu on", sit kerras kiändyy toizel puolel istujah samanigähizeh ristikanzah päi da sanou normualil kielel "minä en juuri suvaiče sparžukapustua, se ei ole minule mieldy myö". :roll: Toine tapahtumu oli laukas. Kaksi ristikanzua paistah toine toizenke, normualil kielel. Toizen jallan vieres seizou lapsi, vikse toizen ristikanzan oma lapsi. Lapsi kaččou pagizijoih. Kodvazen paistah omiidah dieloloi, sit lapsi kommentiiruiččou midätah. Pagizijat nagrahtetah, toine sanou "ai sinä kuuntelit". :roll: (ei hyö silmii pyöritetty ni kumbazes tapahtumas, se oli vaiku minun tunneh nämmih kahteh :P )

Maria

Re: Enzimäine sana karjalakse

Viesti Kirjuttai Maria »

Tänäpäi huondeksel vihmui. Iivo sanoi "ihmuu", kudamah minä vastain "muga, vihmuu", da Iivo sih "yyiäijä". Pidännöygo sellittiä Iivon pagin, libo oligo ellendettävy :D

Maria

Re: Enzimäine sana karjalakse

Viesti Kirjuttai Maria »

Tämän päivän tilandeh: Olimmo Iivonke hänen buabah kois. Iivo toizes pertispäi astuu eččimäh kižakartiloi škuapaspäi. Se škuappu oli pertis, kudamas minä olin. Kuuluu ku häi toizes pertis buaballeh sanelou 'tutti peata' (suom. korttia pelata = karj. kartih kižata), sanou sidä astujes moni kerdua. Sit puututtuu pertin uksele sanou vie 'tutti peata', kačahtah minuh, muheloittajen sanou 'tatti kisata' (kartih kižata), ottau kartit škuapaspäi da lähtöy kižuamah buabah kel.

Gagarin

Re: Enzimäine sana karjalakse

Viesti Kirjuttai Gagarin »

Miun pikkuvelli oli taki kasivuodini kui hänen (dai miun) baba oli talvipäivänä šuorinnuh ylen äijä kaigenmoizda ribuo pihal jelegyh hänen piäličče, eiga vilu roikseh.
Sid häi kyzyi: "Voitko vie henggittie?"
Häi vastuamah: "Voin vähäzel ..."

BUTTON_POST_REPLY