Tiedokoneh 205 eHr

Tänne paginat kuduat ei synnytä piälolijoih forumoih

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Tiedokoneh 205 eHr

Viesti Kirjuttai mp »

Tämän uudizen mugah gretsieläzil oli jo 205 eHr vehkeh, kudamal voi ennustua päiväzenpimendyksii. Sanozin sidä kalkuluattorakse, en tiedokonehekse sendäh ku sidä ei voi ohjelmoija, sen "ohjelmu" oli kiindei.
Päiväzenpimendyksii on jo ammui maltettu ennustua eri kul'tuurois eigo sih ni pie vehkehii libo vaigiedu matemaatiekkua. Päiväine pimenöy, konzu uuzi kuu jiäy muan da päiväzen välih. Joga uuzi kuu ei ole pimendäi sendäh ku kuu voi mennä päiväzen siiriči yläpuolel libo alapuolel, sendäh ku kuun raizivo muan ymbäri on kallalleh muan raizivoh päiväzen ymbäri (elättiraizivoh) nähte. Raizivoloin leikkavokohtu siirdyy uudeh kuuh nähte, da erähien kuunkierdoloin jälgeh uvvessah kuu ylittäy muan raizivon uvven kuun aigah da päiväine pimenöy. 20.3.2015 meil nägyy läs tävvelline päiväzenpimendys. On vie aigua kävvä raudulaukas ostamas mustu ravvanjuottajan viziran st'oklu tapahtuman kačondah niškoi.

Sinilind

Re: Tiedokoneh 205 eHr

Viesti Kirjuttai Sinilind »

Neče muga sanottu Antikytheran laiteh on ylen mieldykiinnittäi vehkeh. Pikkarazet rattahat ollah nerokkahasti luajittu, rounoku äijäl myöhembäl luajittulois čuassulois. Wikipedian mugah tiedomiehet duumaijah, ku kabineh voi ennustua päiväzenpimendyksien ližäkse olimpielazien aijan da muijengi taivahankappalehien liikkehii (gretsieläzet tunnettih viizi planiettua).

Toine laiteh, kudai on muga sanuo liijan kehitynnyh omah aigah on Baghdadan batareikku. Net ollah saves luajittuloi padazii, kuduat on piäs typitty asfal’tal. Sydämes on vaskine tsilindru, kudamas läbi menöy raudaine keppi. Erähät tiedomiehet uskotah, padaine täytettih sanommo limonmehul libo uksusal (elektrolitil) i rodih elektrovoimu. Toizin sanojen batareikku vikse keksittih jo läs kaksi tuhattu vuottu tagaperin.

Kuva
mp kirjutti: On vie aigua kävvä raudulaukas ostamas mustu ravvanjuottajan viziran st'oklu tapahtuman kačondah niškoi.
Da ku et ehtine kävvä raudulaukas, voit luadie kačelenduvehkehen ičele da dovarišoile nenga: eči suuri lazipalaine da pane piäle märgiä bumuagua. Sit išket keskes pal’l’azel, otat yhten palazen da piät tuohuksen piäl muga, ku se nogevuu. Sit vaiku kačelet päiväzenpimendysty novetun lazipalazen läbi dovarišoinke! (Pidäy sanuo, päiväzenpimendyksen jälgeh kai toinah ollah sogiet da käitgi veres. A sanelin vai kui muumit opasti: https://www.youtube.com/watch?v=Ei3Q8Sv7ofw#t=323 )

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedokoneh 205 eHr

Viesti Kirjuttai mp »

Passibo, pidihäi kaččuo. Yhtelläh muumitatan brujal voi luadie pillan silmäle, parembi ostua ravvanjuottajan viziran stoklu. On huogei ostua. Onhäi valmehennu konzu tävvellizen päiväzenpimendyksen voi nähtä vuonnu 2126.

Sinilind

Re: Tiedokoneh 205 eHr

Viesti Kirjuttai Sinilind »

Kodvaine tagaperin karjalan eri murdehien kielinäyttehii lugijes tuli vastah minule tekstu, kudamas saneltih päiväzenpimendykseh da juuri moizeh Muumitatan nogevutettuh st’oklubrujazeh näh! Ei olluh Tatan keksitty, a Karjalasgi tiettih sidä. Ga nygöi enhäi uvvessah lövvä tekstua, engo ni muista, mittumas kniigaspäi luvin. Toinah uinoin da unis näin...

BUTTON_POST_REPLY