"Meile pidäy kirjukieli"

[mp]

Loppukeviäl piäzöy ilmah "Taival 2013" almanakku. Taričen sih kirjutustu "Meile pidäy kirjukieli" kudaman vastevai sain yhteh tukkuh. Kohendettavua vie olis kieles da syväindös, toistuo, lyhendiägi pidäs ga aigua jo ei ole äijiä. Nedälin lopul duumaičen työndiä. Midä mielii nostattau?

[Gagarin]

Ylen oli pitkä tua vieštini. A i iče olen ainoš duumaiččennuh jotta kirjakieli pidäy karjalah suaha.
Puaksuh sanotah kui eule tarvetta nengomal, suahai jogahini kirjuttuo omah luaduh kui tahto.
A selvyähäi neče on jotta ilmai kirjakieldä ei ole kieldä ni vouse.

Suattau olla muga jotta vaiku livvi on karjalan kielen murdehis tarbeheks elävä kirjakielen perussaks,
iče hod enämbi varzinkarjalaks kirjutan da pagizen. Livvin kirjakieleh sua sid ottua elementtilöi
toizis murdehis da luadie sanaloin i grammatikan ozal vie bohatambi kieli. Mugahai i suomen kieles
on ruavettu kui kirjakieleh on otettu erimoizien murrealovehien ilmazuloi.

A kembä nečidä dieluo malttannoo viijä edehpäi?

[mp]

Kui kirjutukses sanon, minulgi muamanmurreh on yksi luadu suvivarzinkarjalua. Yhtelläh rubein livvikse kirjuttamah, ku sen edeh oli enimbän ruattu, oli sanakniigua da tekstua. Liygiläzis erähičči kuulou ku toizet murdehet kuollah, sit jiäy vai livvi. Minun mieles se on varattavua joukkoloin pilkondua. Hyvä olis kuhkuttua kaikkii andamah parastu midä kelgi on. Ezimerkikse vienalazil toinah on parembi säilynnyh oma sanasto, kudaman sijah liygiläzet ollah otettu ven'aspäi. Ket voidas ruaua? On yliopistolois opastunnuttu nuordu kielentutkijua, kuduat voidas nosta omile siibilöile, ku vahnat siivet jo ollah väzytty.

[Maria]

Liygiläzis erähičči kuulou ku toizet murdehet kuollah, sit jiäy vai livvi. Minun mieles se on varattavua joukkoloin pilkondua.

Segi moizis mielis on varaittavua, ku jiänemmö vuottamah sidä aigua ku toizet murdehet kuollah sit ongo karjalan kieldy nivouze. Menöy aigua 20 vuottu da sit itkietäh ku olis pidänyh jo 20 vuottu tagaperin algua ruado yhtehizeh kirjukieleh niškoi. Sanotah ku "kehitämmö jogahistu pagizemah omal murdehel", ga eihäi se ole nimittuine peruste kirjukieldy vastah, eihäi yhtehine kirjukieli estä omal murdehel paginua libo oman murdehen käyttämisty.

Da hos ollahgi minun juuret livviläzel alovehel, en nikui voi ellendiä mostu ku "livviksehäi jo ollah enimät materjualat, vallikkuammo livvi kirjukielekse". Ku suomes ei ollus kirjukieldy da vaste nygöi rubiezimmo sih näh pagizemah, hyvin ellendäh ku toizii murdehii pagizijat ei kerras tahtota vierastu murrehtu ottua omakse kirjukielekse. Eigo segi ole minun mieles hyvä ku ottua pohjakse livvi da sit onnuako pikoi vähäzeh midätah pikkarazii dieloloi ottua toizis murdehispäi. Ga ei minul nimidä uuttu täh dieloh, nämii olen onnuako jo aijembigi kirjuttanuh. Aku nikui en sua ellendiä kui voijah duumaija, ku kieli säilys kirjukielettäh.

[mp]

Passibo kaikile ket sanottih omii mielii kirjutukses. Pikoivähä kohendelin da työnnin nengozennu kui se nygöi rippuu linkan nenäs. Suau nähtä kelvannougo jullattavakse, da ku jullattaneh, viego piästettäneh muah.

[mp]

Tämä kirjutus nygöi on endizez paikas kudakui tarkah nengozennu ku se piäzöy ilmah Taival 2013 almanakas.Muutokset ollah pikoivähäzet.