Kuulumizii

[Maria]

Kui ruatah nämmä yhteisprojektat linnoin välil, Petroskoil da Varkaukselhäi on midätah projektua, Vekara-Varkauksehgi siepäi tulluh nämii ozuttelijoi, suannusgo midätah karjalankielisty? (Varkaukses on nimetty lagevo libo uuličču jogahizele"ystävyslinnale", no ei uuzimale, ga nennile Europas olijoile,kudamii on seiččie. Petroskoile tiä on nimetty uuličču, Petroskoinkatu)

[Olói]

Oma pajo-hora voizi kävvä. Varkavuksen eläjänny voizit kirjuttua linnan piäliköile da pakita karjalankielizii ezityksii Petroskoispäi. Hyöhäi ruatah äijän yhtes, hyväl mielel oldas ku eläjät ice tahtotah nähtä petroskolazii. Suomi-Ven´a - seuru on toine järjestäi

[Maria]

Passibo, kirjutan tapahtumua järjestännyzile.

Egläi Vekara-Varkaukses käimmö Peittozil-kižah. Da sit piätenčäs pyhäpäivässäh on kuvaorientiiruičendua, Warkauden lehtes oli fotokuvua eri kohtis linnua, pidäy dogadie kus kohtas kuva on, sit sih kohtah kävvä, kaččuo mibo kirjain on kirjutettu sie olijah bumuagah da kirjuttua se kižalippuzeh, dogadie mibo sana roih kirjaimis.

Erähänny piän Juulii nagratti, ku Iivo oppi omiidah mielii sanella, en kerras suanuh yskäh otettuu da Iivo rubei itkemäh "äiijjy ääiiijy äiijy kengii", kaksi puolenke kuudu igiä da karjalakse pagizou

[Maria]

Nevvolas käimmö, Iivo suittanuh kahten kuun aloh kaksi kiluo da kaheksa sentii.

Da täs matkan jälles moni kerdua päiväs mielet mennäh Karjalah

[Olói]

Hyvä kuulta, ku syväin jäi Karjalah, terveh tulgua uvvessah!

[Maria]

Muga, tulemmo! Kerras kodih tulduu jo roih pagin uudeh matkah näh.

Juulile on roinnuh himo midätahto syömizii varustua. Pagizimmo sih näh, mittumiigo syömizii häi vois iče luadie ku tiettäväine mieldy myö hänele ollus ei vaiku "abuniekannu" olla. Aijembi häi erähii jo "piäkeittäjänny" varustau, sanommmo, kos drodžonua himoitannou sit Juuli maltau tahtahan luadie, kentah vaiku auttau suaha päččih da päčispäi

[mp]

Sit toinah kirjuttanougo Juuli ohjehet kui luadie dročonua da luadinougo opastusvideongi opastajat.net:tah. Šipainiekku-video jo on kuvattu, pidäs vie käzikirjutus kirjuttua.

[Maria]

Pidäy kyzyö kui duumaiččou häi, luajimmogo moizen

[Maria]

Huondeksel Juuli kyzyi voisgo häi minule huondesverokse midätah. Ga tiettäväine suau. Iivo vie söi, kravatil virujes kuundelin midätah keitändypertis t'orkatah. Sit sain laudazen, kudamas oli voileiby kudamas ymbäri čomasti oli pandu t'orkattuu keldujuurikoidu da sit vie kruugannu keldujuurikoipalazii. Čoma oli (Kuslienne roinnuh Juulile himo kaikkie t'orkata.. Egläi saluattua luadi, t'orkai kapustua, keldujuurikoidu, juablokkua, sit vie vähäzen apel'siinumehuu da izumua. Kniigaspäi dogadi moizen saluatan da kerras tahtoi ruadoh ruveta) Ga nämmähäi olis pidäny Päčči lämmäs -čieppih

[Maria]

Kaččommo midä roinnou libo nimidä, oli meil paginua dročonua luadie, sit pidihäi fil'mata, Juuli tahtastu luadi, no ohjehii hänen saneltajes pidi erähii kohtii moni kerdua kuvata, konzugo pidi päčči lämmittiä 125, konzugo 25 gruadussih, ga voinnou jättiä erähii nagronke kuvattuloi kohtii Ga vähäine vikse pidäy edituija