Meil on lähiškola moine kus on anglienkieline eziškola da sit školas moizet kluasat (1-6), kudamis opastutah eri ainehii anglien kielel, da sit vie eziškolaigästy pienembile moine "kižaškola", mibo ollougi karjalakse, moine päivykoin jyttyine. Duumaičimmo ku voishäi Juuli mennä sit eziškolaigäzenny sinne, ku kielii ylen äijy tahtou opastuo, ga jo rubei muga äijy sih näh pagizemah duumaičimmo mengäh sit jo nygöi viizivuodehizennu puolekse päiväkse. Ga ku häi kyzelöy kaikkii toiziigi kielii. Saaminkielisty lapsien programmua kaččou kudamua olemmo tallendanuh ga kyzelöy kushäi vois opastua saamin kielen. Da egläi kyzeli ku tahtos opastuo polšan kieleh, da aijembi jo kitaih näh kyzeli, tahtos sengi kielen opastuo. Kui voigi olla viizivuodehizel moine suuri nälgy kielih
Ga kui avvuttia sidä nälgyy..
Midävai kielii händy himottas. Ven'akse meil on dvd:l krokodiilu Genua da muudu,da muuzikkudisku,ga ylen hyvä ollus ku suas muudugi kaccuo. Voishäi oppie mittuziltah eccosanoil animatsieloi eccie ga ku ollou moizel kielel kudamua ei tiibä,kui andua lapsen kaccuo ku et nimidä tiijä midä fil'mas paistah 