Unis

Tänne paginat kuduat ei synnytä piälolijoih forumoih

Valvoi: verkomuagari

Maria

Unis

Viesti Kirjuttai Maria »

Unih näh tahton kirjuttua. Mittuzii unii työ näittö yölöin aigah? Olettogo nähnyh moizii unii, kudamis tiijättö ku se kai on undu? Minä jo pienyössäh olen nähnyh moizii unii, kudamat unekse tiezin. Erähät sanotah ku hyö nivouze nähtä unii, no kai unii näimmö, erähät niidy ei musteta. Eräsgi vuozi tagaperin joga huondes mondu undu mustin, kudamii yön aijannu olin nähnyh, bumuagale niidy panin, ga sit lapsen suaduu ei olluh huondeksil jouduo mustella da kirjuttua, en jo muga äijy unii mustanuh, ei ainos suanuh huondeksel viruo hillazuos muga hätkie ku pidännys ku suas pidiä unen mieles. Sit on tämä "himoruado" olluh bokas, nygöi uvvessah rubien enämbi unii mustamah, ku olen ruvennuh niidy mustelemah.

Erähičči, mondu vuottu tagaperin, näin undu, kudamas midätah runuo luvin kirjaspäi, toizel sivul suomekse, toizel kummanluaduzel kielel, kudamua tiedänyh en. Unes rubein panemah sidä mustoh ku mustazin hos midägi piendy sit ku havačun. Yöl havaččuin, silmät ristai otin kirjuttimen da bumuagan, midälienne kirjutin bumuagale, uvvessah silmät umbain. Huondeksel mustin unen, ga nimidä en mustanuh sih näh midä bumuagale olin pannuh. Sit kačahtin bumuagua, sit lugi "la acro grama - auringon tähtivarpunen". Sen enämbiä en olluh bumuagale suanuh unimuailman runos :lol: Mieldykiinnittäi olis tiediä mittuinengo se runo oli..

Olói

Re: Unis

Viesti Kirjuttai Olói »

Minä unii näin puaksuh da hyvin mustangi. Midäbo tämä virkeh sinun unes merkiccöy? Nygöi Martin pidäy zabastovkan loppie hot viijekse minuutakse, häi malttau kaikkii kielii:)

Pedrunnybly

Re: Unis

Viesti Kirjuttai Pedrunnybly »

Konzu unis minuu tapetah (puaksuh en yhtelläh moizii unii niä!) tiijän se on undu da sit higehizenny havaččun. Silloi-toičï unes iäneh pagizengi. Ruisräkäččynke karjalan kursiloil olles häi minuu yön kaiken kuundeli; pagizin unes KARJALAKSE!

Olói

Re: Unis

Viesti Kirjuttai Olói »

Minä toinah pagizen ristikanzoin kel, kudamat ollah jo tuonilmazis. Hot heidy ei ole rinnal da voin paista heijän kel da meijän yhtevys kehittyy, proskennán toinah pidäy pakita da nengoman toinah suangi

Maria

Re: Unis

Viesti Kirjuttai Maria »

Minägi silloi-toiči unis pagizen kuollieloin rodnienke, ga nygöi hätkeh en ole paissuh. Da sit silloi-toiči olen paissuh oman ičenke, ga se pagindovarišannu olii uniminä on moine lapsi. Erähičči oli moine ihan pikkaraine, eigo senke nimidä suanuh paista, itkuh pirahti.

Ga nečin runounen jälgeh vastavuin moizen päiväslinduripuksenke (moizen, kudai tiä on kuvas), sit ollah päiväine da lindu da sit vie toizel puolel linnul varbahis pieni kivi, olgah tiähtenny. Minä nimittuzii čomenduksii juuri en pie, ga tämä ripus minule on tärgei, hos tuligi minule moizen tolkuttoman unen periä.

Maria

Re: Unis

Viesti Kirjuttai Maria »

Suomekse niilöi unii,kudamis unennägii tiedäy sen unekse, kučutah nimel "selkouni",angliekse "lucid dream", sendäh ku niilöis kai dielot ozutetah selgiembikse migu normualis unes.Ga en tiijä ongo se hyvä termi, parembi ollus mitah "tietoinen uni" libo muu (kui liennys karjalakse). Moizeh uneh voi piästä ku unes dogadinnou sen unekse libo voi piästä kohtigi konzu uinovuu,ga jälgimäine pädöy vaiku konzu jo on muannuh, sanommo, ku havaččunnou yöl da uvvessah muate vieröy,ga ei liijan väzynnyönny ku kerras uinovuu. Minä silloi-toiči ruan muga ku havačun yöl, rubien libumah järilleh unet ga mieles näin omia iččie nouzemas kravatispäi, ga oigiesti en nouse,vaiku mieles muga duumaiččen da opin tundie omia iččie nouzemas. Kodvazen peräs nouzengi istumah,ga unes. Sit voingi hos seinäs läbi pihale astuo da lähtie lendämäh :D

Maria

Re: Unis

Viesti Kirjuttai Maria »

Da kui harjavuo sih ku unes dogadie unen unekse. Unimuailmas on äijy mostu kudamat ruatah erijyttyöh kui tovellizes. Ku unes pidännet nenäs kiini, hyväh voit hengittiä nenän kauti. Ku kätty kačot, omassah sormet čotaičet, da kodvazen jälles uvvessah,voi olla ku sormie ongi hos seiččie yhtes käis. Ku čuasuloih kačahtat, kodvazen jälles uvvessah,jo ongi ihan toine aigu čuasulois. Nämii ku silloi-toiči ruadannou havačuhuonnu,sit rubieu ruadamah unisgi. Sit kaččou ku minulhäi kaheksa sormie on, unes olen! Ku tahtonnou, voi ottua mintah "merkin" omassah ičele, sanommo, ku nähnöy linnun/lampan/kažin/kynän,ruadau mudätah ielmainittuu. Tovellizustestoikse kučutah nämii. Kustah starinois ainos kyzytäh kedätah iččie näpistämäh libo näpistetäh omia iččie ku tiedäs ongo unes, ga se ei päi tovellizustestakse, se sattuu muga kui havaččuhuonnugi.

Maria

Re: Unis

Viesti Kirjuttai Maria »

Erähänny yönny havačuin, sit uvvessah maguamah ruvetes mindählienne puoliunes duumaiččin meijän lähäl olijua dorogua, tostu myö astut, tostu myö mašinal ajat. Sit uneh rubein vaibumah, ga yhtelläh tiezin kus olen, omas kravatis, nimidä en nähnyh a "tunzin" ku rubein libumah mašindorogua myö, duumaičin enhäi voi sinne jallai mennä, ga azettuo en voinuh. Sitgi hos nimidä en nähnyh, tunzin ku ihan dorogupieles olen, rubein kuulemah mintah suuren mašinan jyryy da sit tunzin se ajau ihan minus bokači, kodvan jälles uvvessah kuuluu mitah suuri mašin tulou. Erähän kerdua mašinat jyrynke ajettih minus bokači, tunzin ku ilmuvirdu minuu lekahuttau. Yhtelläh duumaiččin ku vaiku maguan, enhäi nikus dorogupieles seizo, jo tiezin bokas maguaju keroidu karaittau eigo mašinat iändy pie, sit smietin havaččutango iččie da sit bokkah čökkiän karaittajua ku ollus vaikkani, ga duumaičin olgah mašinan jyryt minun unes. Viegi nimidä unes en nähnyh, kai oldih mustua, duumaičin mindäh sit dorogupieles seizon voinhäi kunnetah toizeh uneh vaihtua, hyppäin ilmah da sit muas läbi, pakuin toizeh uneh, kus jo oli valgiembi. Ga siegi tiezin ku unes olen, opittelin mittuine oli mua unes, ei olluh lundu, mua vihandu, kasties oli.

Maria

Re: Unis

Viesti Kirjuttai Maria »

Nygöi oli moine uni, kudamua unekse en tiedänyh. Sit olin vie školniekannu, da onnuako puolet meijän kluasas oldih karjalazien juurienke,da kaikin meis pagizimmo karjalakse. (Ga kluasas oli ei vaiku minun enzimäzii kluassudovarišoi, ga yhtel aigua opastunnuzii myöhembisgi opastundois.) Urokal olimmo kirjuttanuh essielöi juurih näh. Pahakse miwlekse en jo musta midä unes kirjutin, no voi olla se midälienne tolkuttomua olisgi olluh.

Gagarin

Re: Unis

Viesti Kirjuttai Gagarin »

Mie muissan kui olin pikkaraini poiga ga sid erähän kerran näjin unda kui mua halgevoidui da kai taloit kuavuttih alahakse.
Unes kyzyin muamol mindäh mugalaite on roinnuh. Häi miul vastai jotta "sendäh kui suomalazet lapset mändih ruoččalazeh školah da ven'alazet lapset mändih saksalazeh školah
da ranskalazet lapset mändih ven'alazeh školah, ga sid kai mäni immin kummin."
Sih havaččuin da olen vie monda kerdua duumaiččennuh kuibo pikkarazel poigazel nečih aigah nengoini uni rodih. (Mäntie uni kerdoi tulevis EU:n problemilois...)

BUTTON_POST_REPLY