Tiedobanku

[Maria]

Minule juohtui mieleh pidäs olla moine tiedobanku, kunne ollus listattu runuo, zuakkunua, pajuo i m.i. (ei kogo runuo/zuakkunua/pajuo tiettäväine, ga kirjuttajan nimi da runon/zuakkunan/pajon nimi) da sit julgavon tiijot, kus moine runo/zuakkun/pajo on. Nämmä ku tallendas eččosanoinke (ku ollou runo sygyzyh näh, kudamas sanellah vihmas, vois eččosanoinnu olla hos "vuvvenaijat", "sygyzy", "vihmu", "siä"...), sit ollus moine eččosivu, kudamah vois mittumantah eččosanan kirjuttua da suas löydiä runuo, zuakkunua, sanommo, kezäh näh, libo siäh näh. Moizes ollus hyödyy hos lapsienke ruadajes ku sygyzyl himottas eččie midätah sygyzyh da vihmah liittyjiä luvettavakse, pajatettavakse. Libo konzutah midätah siäilmivölöih liittyjiä luvettavakse, pajatettavakse. Sit rubiet livailemah midä kniigupualičas ollou, ku eihäi kaikkii kirjoi musta midä niilöis on, kus on mostu materjualua. Ga ku ollus moine tiedobanku, sit vois suaha listan materjualas. Da ku sit ollou mostu kniigua, kudamua ičel ei ole, sithäi vois kyzellä kus suaha, ostua, libo kenelpäi suaha laihinah.

Ollougo moizes midätah mindäh ei vois luadie? Ku mostu ruvettas luadimah, voizin listata eččosanoinke kai minul olijat.

[mp]

On helpo sanuo: pidäy luadie tiedokandu kniigutiedolois da eččosanois. A vaigei on pidiä kurie: ainos konzu suat uvven kniigan, luve eččosanat mieles da kirjoita yhtehizeh tiedokandah. Niidy tekstoi, kudamii minul on ruagutekstannu libo pdf:änny (erähii kniigoi, Omat Muat, ...) ečin (Unixan) grep libo pdfgrep komendol.

[riäpöi]

Mac tiedokonehel voibi eččie sanoi SpotInside ohjelmal (ilmaine ohjelmu):
http://www.oneriver.jp/SpotInside/index_e.html