Kevätkuun teemu: statistiekan parandamine

[sarikku]

Midäbo olette mieldy, ku täl kevätkuul kaikin parandazimmo foruman statistiekkua? Äijy kerdua jo olen sanonuh, gu minul ei ole mieldy myö ku ylläpidäi ainos cotaiccou äijygo hengie on kirjuttannuh im.i. Tämän rubriekan al voizimmo kirjuttua pienii viestilöi toine toizele. Sit kevätkuun lopus vuotammo midä ylläpidäi sanou. Jo tiijän gu hänel on sit hyvä syy mindäh ei voi statistiekkah cotaija nämii kirjutuksii

Täs enzmäine viesti: Oloi, kuibo sinul dielot? Oletgo tervehenny?

[Pedrunnybly]

Voimmohäi kirjuttua, a ylläpidäin mieles statistiekku ei ni parane. Hänel pidäy kirjuttajua Karjalan Tasavaldaspäi, ei ni Ruočis libo Suomespäi...

[Olói]

Terveh, terveh, minul on kai hyvin. Nedälin olin Kinnermäl. Käin Vieljärven Karjalan Rahvahan Liiton ozaston kerähmös. Pagizimmo sihnäh ku olizi hyvä suaha Vieljärven školah karjalankielizii fizkul’tuuruväliaigoi (5 minuuttua) 1-4-kluassoin opastujile. Kai nämmien kluassoin opastajat maltetah karjalan kieldy. Kačommo kui dielo eistyy. Ku teil on idejoi libo runoloi fizkul´tuuruväliaigah näh, kirjuttakkua! Nämmien viiziminuuttazien avul voi opastuo zvierilöin nimii da äijy muudugi. Nämä jo avutetah karjalan kielen opastumistu.