Kielipoliitiekkua 90-luvul

Tänne paginat kuduat ei synnytä piälolijoih forumoih

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Ei roinnuh kielizakonua rahvahaspäi käskijen. Kuibo sit ylähälpäi?

Natalja Antonova (toim.): "Vladimir Zorin: Karjalah pidäy kielizakon" OM 2003/27. http://opastajat.net/luvekkua/kielipol/zorin.html

...
Jälgimäi muutti 1 päivänny mp, muutettu kaikkiedah 6 kerdua

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Komendon tulduu tazavallan piämiehespäi da Moskovan ministraspäi, rubei zakongi eistymäh:

* Natalja Sinitskaja (toim.): Uuzi zakon vähembistökielien kannattamizes: "voibi" vai "pidäy". OM 2003/47. http://opastajat.net/luvekkua/kielipol/kp0347.html

* "Kielizakonua allettih hyväksyö". OM 2003/47. http://opastajat.net/luvekkua/kielipol/zakonugo.html

* Natalja Antonova (toim.): "Kielizakonu hyväksyttih enziluvendos". OM 2003/48. http://opastajat.net/luvekkua/kielipol/enziluvendu.html

* "Karjalan tazavallan zakonu valdivontuves karjalan, vepsän da suomen kielele Karjalan tazavallas". OM 2003/51. http://opastajat.net/luvekkua/kielipol/zakon2.html

* "Karjalan kielele on annettu zakon". OM 2004/14. http://opastajat.net/luvekkua/kielipol/zakonon.html

* Aleksandr Volkov: "Zakon kuduadu kodvan vuotimmo" OM 2004/16. http://opastajat.net/luvekkua/kielipol/vuotimmo.html

Jälgimäine, Volkovan kirjutus on hyvä yhtehvedo, midä on ruattu da midä pidäs ielleh ruadua. Täs kohtas olen kudakui yhty mieldy Volkovan ker:
Tervehel piäl on vai yksi selvy: "Ni mittumua putin karjalastu kirjukieldy, ni sidä tärkembiä – valdivokieldy ei rodei nikos, kuni emmo ruvenne luadimah yhtehisty kirjukieldy". Peräpohju sih niškoi on: kolmen vuvven aigan 1937-1940 on käytetty kirjukieli "Karjalan kielen grammatiekan" pohjal (D. Bubrih, Petroskoi, 1937). Silloi karjalan kieli oli ainavo (ven'an rinnal) školien, lehtien, kniigoin, raadivon kielenny.
...
Kielimurdehet roittihes histourien ijäs, no ku nygöi (ei sua tiediä kenen käskys?) ruvettih luadimah kaksiluaduzii terminoi, se on, kui suomelazet sanotah "keinotekoinen", omil käzil luajittu hajutoi karjalan kielen halguamine kahtekse kirjukielekse, da yhtes sen kel vie kyngäl siirdämine lyydiläzii, puadanelazii da toizii heimovellii. Tädä histourii ei prosti. Tämän jälgeh pidäy unohtua yhtehizen kirjukielen luadimine dai putilline lapsien opastamine. Pidäy mustua; niisgi kahtes on äijy "voulostiloin" murdehispäi eruo, kuduat tänäpäi kuulutah eri školis dai kirjutuksis. Se oman velosipietan da polkupyörän keksimine on hajutoi vie sendäh, ku enin oza poliitiekku-, ekonoumiekku-, tehniekkuterminua on kanzanvälinen. Tiettäväine voibi sanuo "vallankumovus", "revot'utsii" on tuttavembi.
Konzu alloin tämän čiepin, dumaičin, kačon kaksi kolme kielipoliittistu kirjutustu, roinnougo zakonua. Ga uppoin syväle, täh pidi ottua läs viizikymmen kirjutustu da lugie vie toizet viizikymmen, läs kymmenen vuvven aijannu. Vuvven 2000 kohtal minun Oma Mua arhiivois on pikkaraine loukko da vikse sendäh minun silmih ei puuttunut alguperäzen kielizakonan toine hylgävö. Ga piäazii on se, ku 17.3.2004 Ven'an karjalazet suadih kudakui putilline kielizakon. Hos i karjalale ei annettu valdivonkielen stuatussua, zakonoin puoles Ven'an karjalazil on äijiä parembi stuatussu migu Suomen karjalazil. Sidä pidäs vie maltua käyttiä.

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Lizäin täh kogomukseh vie yhten kirjutuksen

Natalja Sinitskaja (toim.): Uuzi zakon vähembistökielien kannattamizes: "voibigo" vai "pidäy". http://opastajat.net/luvekkua/kielipol/kp0347.html" (Oma Mua 2003/47)

Tämä kirjutus on hyvä sendäh, ku kirjuttajua huolestuttau zakonan sana "voibi", ei luve "pidäy". Poliitiekashäi "voibi " merkiččöy "ei tarviče" da "pidäy" tarkoittau "voibi":

Nygöi pidäs ruveta duumaiččemah yhtehveduo, se on vaigiembi migu kopiruičendu.

Sinilind

Re: Kielipoliitiekkua 90-luvul

Viesti Kirjuttai Sinilind »

Kusbo nygöi suau lugie nämmii kielipoliittizii tekstoi? Kogonah otitgo iäre?

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Konzu kirjutin "Zakon kudamua ei roinnuh" kirjutustu kielizakonas Taival 2012 almanakkah (myöhembi sen julgain vie "Karjalazil očkil" kirjas), keräin lähtehmaterjualakse Oman Muan kirjutuksii:
199529vr 199533os 199537pz 199545sp 199548op 199604op 199604vk
199619op 199619vk 199621lv 199621pl 199622os 199624os 199624sp
199624vi 199624zd 199645sl 199649vb 199649zp 199650pz 199651gk
199707lm 199708ob 199708zd 199709op 199710zd 199717av 199717vk
199718mb 199729op 199735tk 199804op 199805op 199807av 199807sp
200004lm 200030gk 200043av 200049av 200051vb 200106kr 200108rr
200126tk 200147js 200152vp 200327na 200347ns 200347zh 200348na
200351zp 200413zo 200416av 200627ai
Luvettelos on lehten noumer da kirjuttajan nimikirjaimet. Tekstat muutin html:kse da kodvazen net riputtih opastajat-sivuloilgi. Sit rubein huijustelemah, gu nethäi ollah toimittajien kirjutuksii kudamih engo kyzynyh lubua, sendäh otin iäre. Aiga tolkuttomiigi jyrkii mielii ozutettih. Iče suvaičen Georgii Kertan kirjutustu "Kieli da valdu" Oman Muan 1996/51 noumeras.

BUTTON_POST_REPLY