Kielipoliitiekkua 90-luvul

Tänne paginat kuduat ei synnytä piälolijoih forumoih

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Kielipoliitiekkua 90-luvul

Viesti Kirjuttai mp »

Puuttui silmih tukku kielipoliittizii kirjutuksii Omas Muas 90-luvul. Mieldy kiinnittäy, ku toruandu oli aiga kiihkiedy - da kui vähä sen jälgeh kielidielos on eistytty. Nostan nägyvih erähii kirjutuksii. Ezmäi kiännän karjalakse (!) Ortjo Stepanovan kirjutuksen. Häi ylen jyrkäh kannattau suomen kieldy karjalazien kirjukielekse da pidäy karjalan kirjukielen kehittämisty, semmite vienan opastamistu, vahingollizennu. Luvekkua tiä

Oma Mua 1995/33-34
Ortjo Stepanov: "Ei ole varaa eikä aihetta". Linki http://opastajat.net/luvekkua/kielipol/ortjo.html

P.S. Petties kirjutin Viktor Stepanovan kirjutuksen kiännetyn Orto Stepanovan kirjutuksen piäle. Skanniruičin Ortjon toizeh kerdah a uvvelleh kiändämäh jo en ruvennuh.
Jälgimäi muutti 2 päivänny mp, muutettu kaikkiedah 26 kerdua

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Toizennu kirjutuksennu riputan tiedoakadeemien tutkijan, douhturi Vladimir R'agojevan pagizuttelun. Händy pietäh yhtenny parahimis karjalan kielen tiedäjis, hänelluohäi Brendojevgi kävyi karjalan kieles kyzelemäs. Toimittajan kyzymykseh "Uskottogo, gu karjalan kieli elbyy?" R'agojev vastuau: "En. Se ei meis ripu..." Luvekkua pagizuttelu tiä http://opastajat.net/luvekkua/kielipol/rjagojev.html

Pekoi
Viestit: 356
Liittyi: 18 09 2008, 20:54

Re: Kielipoliitiekkua 90-luvul

Viesti Kirjuttai Pekoi »

Tuhmu olen,vie pidäy smiettie..

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Sergin Pekko kirjuttau Omas Muas http://opastajat.net/luvekkua/kielipol/pekko.html
Erähiči 0ma Mua -lehtes luvin paginan yhten naizen kel, en minä musta hänen sugunimie. Häi sanoi: "Minä en suvaiče karjalazien kieldy". A iče häi on karjalaine. Nengomat rahvas ollah segavunnuot. Minä ezmäzen kerran kuulin moizet sanat vahnas inehmizespäi. Nuorižon keskes moizii "sankariloi" on vie enämbi.
Häi ylen selgieh kirjuttau siirdomuapoliitiekas da pieniluguzis rahvahis, kielipoliitiekas. Lopus häi jo iče ebäilöy:
No minä en usko, buite nämä minun kirjutukset painetah lehteh, sendäh i tämä lehti on pandu ven'alazien käzih, a hyö ei tahtota ku rahvas kirjutettas toven. Hyö tahtotah ku lehtes oldas yhtet suamat i kui karjalazet hyvin eletäh.
Painettih!

Pekoi
Viestit: 356
Liittyi: 18 09 2008, 20:54

Re: Kielipoliitiekkua 90-luvul

Viesti Kirjuttai Pekoi »

Stepanovan kirjutus andau mieleh vahnan kyzymyksen:ongo Varzinkarjal -nimi oigei da tiedohuolline?
Äijän ollah nygöiaigazes kielipoliitiekasgi sevoitettu liygin da enimyölleh vie Varzinkarjalan da Vienan murdehen käzityksii.
Täsgi rubien toruamah ku viizahembatgi sanotah Kiestinkin,Uhtuon i m.i. murdehet kuulutah samah varzinkarjalan kieleh ku Suistamon,Repolan,Porarven da muijen helevien konzonantoin i lymbyjän paginan murdehet!Nikonzu,ei! :evil:

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Ku Moskovu andas minule ruavokse karjalan kielen hävittämizen, pyydäzin suuren huavon moninoumerahizii banknottoi. Sit andazin repullizen jogahizele kudai uskaldau kehittiä karjalan kirjukielen oman murdehen mugah. Sit ku meil olis puoli duužinua karjalan kirjukielii da kaikin pakittas tulla virralliziksi valdivonkielikse, muut rahvahat nagrettas da jälgimäi karjalazetgi ellendettäs, ku ei ole heis kielen pidäjikse.

En väitä tovekse engo viäräkse, a nengomis luokittelulois kuulemmo. Piäjago on lyydi, livvi, varzinkarjal. No yhtet sanotah ku lyydi ei ole karjalua da toizet sanotah ku livvi da varzinkarjalgi ollah eri kielet. Ku ižorua karjalakse nimittännet, sinule turbah annetah. Ongo rajakarjalazien paginas irronnuh tver varzinkarjalua libo ei, toinah nygöi sanotah ku net ollah eri. Varzinkarjal jagavuu pohjaskarjalakse da suvikarjalakse (*). Karjalan tazavallan poliittizel karjal ei ole sijua suvikarjalale (ku se ei heil tarkoitanne livvii), sendäh hyö sanotah varzinkarjalan pohjasmurrehtu varzinkarjalaksi, suomelazet sanotah varzinkarjalan pohjasmurrehtu vienakse. Suomes varzinkarjal enimyölleh tarkoittau varzinkarjalan suvimurrehtu, ga toinah tveringi vois sih lugie. Sanot kuitahto, tovennägözesti sinuu ellendetäh pahoi, ku et tarkembi maininne paikkua kudaman paginas on pagin.

(*) Tiettäväine, pohjazen da suven välis on keski, keskikarjalua ollah murdehet Puadenes Rebolah da Porajärveh.
Jälgimäi muutti 1 päivänny mp, muutettu kaikkiedah 9 kerdua

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Vienas vikse nygöigi on Ortjo Stepanovan jyttysty suomen kielen kannattajua, ga on muudugi mieldy. Oman Muan 1995/48 pagizuttelus http://opastajat.net/luvekkua/kielipol/kontokki.html školan johtai kannattau assimilatsiedu ven'ah da pidäy karjalan kieldy tyhjänny dielonnu, a karjalan kielen opastai tahtou ku opastujat enämbän suadas opastuo karjalan kieldy. Karjal tarkoittau vienua, ga toizien lehtikirjutuksien mugah on niidygi, kuduat piettäs yhtehisty karjalan kieldy tarbehellizennu.

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Konferensiedugi piettih: http://opastajat.net/luvekkua/kielipol/konferents.html Tiedomiehet oldih yhty mieldy, ku karjalazien yhtehine kirjukieli pidäy olla: "nenga pienel rahvahal ei maksa olla kahtu libo enämbiä kirjukieldy. Joga rahvahal on vaiku yksi kirjukieli, ottanemmo suomelazii libo ven'alazii. Kieli on juuri se tärkein merki, kudaman vuoh voibi eroittua yksi rahvas toizes." A kui jo rubriekas sanotah "Huomei vie ei ruveta luadimah yhtehisty karjalan kieldy, ga nygöi pidäy valmistua pohju sih niškoi." A konzubo on huomei? Se vikse on ehtymätöi resursu, joga päiviä roih uuzi "huomei". Sarju jatkuu...

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Vladimir Kettunen, kudai sih aigah oli Oman Muan piätoimittai, kirjuttau, Rugojevan sanoil, ku vienalazien kirjukielekse pidäs panna suomi da liygiläzien livvi. (Täs kirjutukses pohjaskarjalaine tarkoittau vienalastu da suvikarjalaine livvikkyö. Heijän muailmah suvivarzinkarjalazet ei synnytä). Kirjutus täs http://opastajat.net/luvekkua/kielipol/kettunen.html ... jatkuu ...

Käyttäjän avatar
mp
Viestit: 2108
Liittyi: 05 08 2008, 19:45

Re: Kielipoliitiekkua 90-luvul

Viesti Kirjuttai mp »

Oraskuul 1996 väittely - libo jullistamine - vie enämbäl rigevyi. Noumeras 21 oli kaksi kirjutustu, mollembis viestinny oli ku vienalazien kirjukieli on suomi, da vie jyrkembi: yhtehisty karjalan kieldy ei pie. Leontjevan mugah 30-luvun mielettömyöh (t.s. Bubrihan kieleh) ei pie mennä, sendäh karjalua ruvettih täyttämäh ven'an sanoil. Täh voibigi yhtyö, a nygöi puaksuh ozutahes ku rahvas pidäy ven'an sanua karjalazennu da sijah tarittuu karjalastu sanua suomelazennu. Sežo kiinnittäy huomivuo, ku hänen mugah karjal on jälgehjiännyh da pidäs luadie ei vähembi kahtu-kolmie tuhattu sanua - mahtotoi ruado. Sen jälgeh vikse on luajittu kolme kerdua se miäry. Iče sanozin ku toinah pidäsgi luadie kaksi-kolmekymmen tuhattu sanua, ga sidä en pie ylen suurennu probliemannu. Kirjutukset täs http://opastajat.net/luvekkua/kielipol/kirjailijat.html da http://opastajat.net/luvekkua/kielipol/vatanen.html ... jatkuu ...

P.S. Liziän täh vie yhten samanmoizen, hos myöhembi jullatun kirjutuksen: http://opastajat.net/luvekkua/kielipol/lesojev.html Tämän jälgeh vie karjalan kieldy kannattajii kirjutuksii, tiedokirjutuksii da zakontekstua.

BUTTON_POST_REPLY