Vieljärven škola

[Olói]

Kävyin Vieljärven školas Uvven vuvven kahtes pruasniekois. Ylen hyvät oldih pruasniekat, suurembat lapset ollah aktiivizet, piettih oman pruasniekan da pienembien lasten pruasniekan. Žiäli oli, što ni yhty sanua karjalakse en kuulluh, gu istut pruasniekal, sit et sua tiediä oletgo Karjalas, libo Murmannis, libo Vladivostokal.
školas on karjalan kielen pertti, sa die pietäh muidugi urokkoi. Karjalan kielen urokku on kerran nedälis. Nygöi opimmo ezmäzes kluassas organizuija kaksi urokkua nedälis ližiä, on jo puoli vuottu paistu täs dielos, toivon mugah ruvetah pidämäh talvel.
Äijät opastajat maltetah karjalakse paista, da enne ei suannuh školas karjalakse paista, nygöi sua da ei ole tavannu.
Duumaičin kuibo voi suaha karjalan kieli ozakse školan elaigua. Yhtenny ideijannu olizi infotaulun (infopiättehen) seinäl panemine. Infotaulus voibi karjalan kielel kirjuttua päivy-, kuutiedoloi, nimi- da roindupäivyhyvittelyt, urokoin jälletysty, pajoloi, päivän sanoloi da äijy muudu tieduo. Olizigo teil muidu idejoi da midä duumaičetto infotaulus? Olói

[mp]

Yhtenny ideijannu olizi infotaulun (infopiättehen) seinäl panemine. Infotaulus voibi karjalan kielel kirjuttua päivy-, kuutiedoloi, nimi- da roindupäivyhyvittelyt, urokoin jälletysty, pajoloi, päivän sanoloi da äijy muudu tieduo. Olizigo teil muidu idejoi da midä duumaičetto infotaulus? Olói

Kuibo olis jogapäivähine syömislistu karjalakse da Vieljärven kartu karjalakse, kudamal opastujat voijah n'uppunieglal ozuttua, kus eläy/eli heijän suguu? Kartan alguu (erähii kylii) voi eččie tiä: http://opastajat.net/paikat/paikanimet.html

[Olói]

Duumaičin gu Vieljärven školal olis podarkakse annettu televizoran tabaine piäteh, kudai olizi piäpertin seinäl, sit voizi pakita opastajii panna tiedoloi karjalan kielel. Nengoizen podarkan voizi andua, ezimerkikse, tiedokonehkursan lopus. Opastajat da opastujat nähtäis karjalan kielen nygyaigastu käyttyö. Olói

[Olói]

Ilmai televiizoruagin voibi panna päivy- da kuutiedoloi.
Tavalline kalenduarugi karjalan kielel voizi olla hyvä školas da laukas. Olói

[Olói]

Kuibo voizi internetas, täl saitalgi, panna päivy- da kuutiedoloi, da nimipäivytiedoloi? En malta teidokonehdieloloi ni vouse. Ongo sih mittuinetahto ohjelmu?
Gu täl saital olizi nämmii tiedoloi sit voigo samua ohjelmua käyttiä muijal? Iče voizin kirjuttua nimipäivytiedoloi valmehekse. Olói

[mp]

En ellendä kyzymysty, voitgo sellittiä tarkembi.

Iče jo moni vuottu luajin omua karjalastu seinykalenduarua, kudamas on joga kuule kuvasivu da kalenduarusivu. Kalenduarusivul on kuun päivile 5x7 juaššiekkastu. Minun kalenduaras on juaššiekkazis paiči kuun päivän noumerua, kuun vaiheh da hengikohtalline päiväzen nouzu da laskuaigu. (Minä astronoumiedugi opastuin, sendäh pidäy vältämättäh moizet tiijot olla - tiettäväine eglästy päiväzen pimendystygi (eklipsua) kačoin da fotokuvain. Meil tänäpäi päivy jo on 24m33s pitkembi migu talvipäivänseizavuksen aigah! Joga päiviä pidäy enämbi ruadua.)
Täh kalenduarah päivykohtazet tiijot kirjutetah yhteh tiijostoh, ezim.
1:1:Uuzivuozi
3:8:Naizien päivy
4:17:Virboi
4:24:Äijypäivy
---
11:4:roindupäivy
11:10:Martti
---
1:1:9:43 (4:59:23) 14:42
1:2: 9:42 (5:01:56) 14:44

Ruadoelokses äijä käytetäh kalenduarua verkos, kudamas voi kaččuo, ken konzu midägi ruadua. Kalenduaru voi olla ruadojoukole yhtehine - joukon jäzenet voijah iče kirjuttua da kaččuo toizien päivykurii da eččie aigua kerähmöle. Moiziigi kalenduaruoi on tuhattu luaduu.

P.S. Täs phpbb3 ohjelmas olis roindupäivyominazus, kudai ilmoittas jäzenien roindupäiväs, a nimipäivyominazuttu ei ole sendäh ku muailmal ei ole tavannu pidiä nimipäiviä. Roindupäivyominazuttu en ottanuh käyttöh sendäh ku minun mieles täs ohjelmas muitegi on liigua ominazuksii. Minun mieles kirvehes pidäy olla vai kirvehen terä, ei pie yhtistiä kirvesty, labjiedu da raudukangie yhteh brujah.

[Olói]

Tarkoitin lyhytty tekstua, kudai tulou avtomuatillizesti joga päivie (en tiijä kuibo tämä sistiemu ruadau) tiedokonehen nurkkah,
ezimerkikse:
Tänäpäi on viijes päivy pakkaskuudu 2011
Nimipäiviä pruaznujah Pavel, Feoktist
Nimipäivänke on äijy ruaduo (Suomen da Venán kalenduaran mugah) , sidä voibi olla panemattagi. Sinun pruazniekat ollah hyvät täh.
Voigo nengozen ohjelman luadie da käyttiä muijal (oma mua-, rajonien saitat i m.i.)?
Karjalas karjalazet ei musteta kuuloin nimii da venánkielizel saital voibi olla pienigi tekstu karjalan kielel.
Petroskois voizi tädä käyttiä laukois infotaululois. Ongo täs midä tolkkuu? olói

[mp]

Ičel erähičči oli Linuxan čuasuloin tagan mustoituslistu, kudai mustoitti azielois. Ohjelmu on rclock da mustoituslistu
oli nengozeh tabah luajittu tekstutiijosto
12:00 mtwrf * Lunch Time!
23:00 mtwrf * Still Here? Go to bed
8:15 f */13/* Friday the 13th! Careful!
8:16 * 4/1/* April Fools!
16:00 05/21/* Pam's Birthday (next week)
16:00 05/24/* Pam's Birthday (in a few days)
08:30 03/15/94 Dentist appointment

Se on kebjei luadie. Aijan tulduu rclock työndäy ekruanale mustoituslippuzen. Ga täs se vikse pidäs olla operuattorusistiemas rippumatoi. Se vie ajatukset verkosivuloih da javascriptah, kudai enimil on livaimes.

Ečin kymmene minuuttua Googlel, lövvin event.js nimizen scriptan kudamua edituičin puoli minuuttua. Pädisgo moine kalenduaru: http://opastajat.net/tmp/events.html ?

Kalenduarutoimindo on 5 KB event.js ohjelmas kudamah tapahtumat kirjutetah muvvos
dA[x++] = "00000101 Uuzi vuozi";
dA[x++] = "00000105 Vieristän vuottamine";
dA[x++] = "00000106 Vieristy, kuvves pakkaskuudu";
dA[x++] = "00000214 Valentine's day";

Verkosivule pidäy kirjuttua kaksi rivii kalenduaran kuččumizeh niškoi.
<head> ...
<script type="text/javascript" src="event.js"></script> ...
</head>
<body> ...
<div id="calendar"></div> ...
</body>

Ongo muudu idejua Ol'oin ihaskoittamizekse?

[Olói]

Passibo Martti ravies ruavos da iče en maltanuh sellittiä enga ellendä teidokonehdieloloi. Karjalas da Suomesgi on ei-karjalankielizii saitoi, da karjalazien käytös da eländykohtis (Priäžän da Anuksen rajonan saitat, vedlozero.ru, oma mua-lehten saitu i m.i). Saitoin ylläpidäjät ei ainos malteta karjalan kieldy, da pandas päivytiedoloi mielihyvin. Gu tahtot suaha minut vesseläkse sit pidäs suaha nengoine nägymy kui ezim., Kaleva-lahten ezisivul (Keskiviikko 5 Tammikuuta 2011). Kuibo sen voi panna muuloin saitoil? Da pruazniekatgi ollah eri muas omat...

[mp]

Lizäin aijembah skriptah pruazniekat ven'alazen kalenduaran mugah. A ku ei tarvinne ozuttua pruazniekkoi, ylen yksinkerdaine verkosivu

Koodu: Valliče kai

<!DOCTYPE HTML PUBLIC "-//W3C//DTD HTML 4.01//EN" "http://www.w3.org/TR/html4/strict.dtd">
<html>
<head>
<title></title>
<meta http-equiv="content-type" content="text/html; charset=UTF-8">
<meta http-equiv="content-type" content="application/xhtml+xml; charset=UTF-8">
<meta http-equiv="content-style-type" content="text/css">
</head>
<body>
<script type="text/javascript">
var d = new Date()
var weekday=new Array("Pyhäpäivy","Ezmäinargi","Toinargi","Kolmaspäivy","Nelläspäivy","Piätenčy","Suovattu")
var daynum=new Array("enzimäine","toine","kolmas","nelläs","viijes","kuvves","seiččemes","kaheksas","yheksäs","kymmenes","yhtestostu","kahtestostu","kolmastostu","nellästostu","viijestostu","kuvvestostu","seiččemestostu","kaheksastostu","yheksästostu","kahteskymmenes","kahteskymmenes enzimäine","kahteskymmenes toine","kahteskymmenes kolmas","kahteskymmenes nelläs","kahteskymmenes viijes","kahteskymmenes kuvves","kahteskymmenes seiččemes","kahteskymmenes kaheksas","kahteskymmenes yheksäs","kolmaskymmenes","kolmaskymmenes enzimäine")
var monthname=new Array("Pakkaskuudu","Tuhukuudu","Kevätkuudu","Sulakuudu","Oraskuudu","Kezäkuudu","Heinykuudu","Elokuudu","Syvyskuudu","Ligakuudu","Kylmykuudu","Talvikuudu")
document.write(weekday[d.getDay()] + ", ")
document.write(daynum[d.getDate()-1] + " päivy ")
document.write(monthname[d.getMonth()] + " ")
document.write(d.getFullYear())
</script>
</body>
</html>

pädöy, kačo tiä: http://opastajat.net/tmp/pvm.html kui se ozuttau tämän päivän. Skriptas rivii on vaiku kymmenäine, suurin vuitti on karjalankielizii sanoi.